कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
मंसिर ५, २०७६
सिंहदरबारमा २० महिना काम गरेर ६ जना मन्त्री बाहिरिएका छन् । राम्रो काम गर्न नसकेको भन्दै प्रधानमन्त्री ओलीले ६ मन्त्रीलाई बिदाइ गरेका हुन् ।
बुधवार बाहिरिएका केही मन्त्रीले सिंहदरबारभित्र रहँदा राम्रो काम पनि गरेका थिए ।
मातृका यादव : खरो स्वभावले टिक्न सकेनन्
खरो स्वभावका मातृका यादवले मन्त्री बनेलगत्तै इन्धन बोक्ने ट्यांकर चालकको दादागिरी तोडेका थिए ।
ट्यांकरको साँचो खोसेर सेना र प्रहरीका चालकमार्फत इन्धन ढुवानी गर्ने चेतावनीपछि आन्दोलन स्थगित भएको थियो ।
मातृकाले कालिमाटी तरकारी बजारमा भइरहेको बिचौलियालाई थुन्ने चेतावनी दिएर जालो तोडे । कालिमाटी बजार अनुगमनको क्षेत्राधिकारको विषयलाई लिएर कृषि मन्त्री र उनीबीच विवाद भयो । उनकै पालामा नेपालमा फलाम खानी स्थापना गर्ने निर्णय भयो ।
खरो स्वभावका मातृकाले प्रधानमन्त्री केपी शर्मा ओलीसँगको टकरावका कारण मन्त्री पदबाट हात धुनुपर्ने अवस्था सिर्जना भयो । २०६५ सालमा वन तथा भूसंरक्षण मन्त्री बनेको समयमा काम नगरेको भनेर डीएफओलाई शौचालयमा थुनेपछि मातृका चर्चा र विवादमा आएका थिए ।
माओवादी शान्ति प्रक्रियामा आएपछि उनी तत्कालीन गिरिजाप्रसाद कोइराला सरकारमा पनि मन्त्री बनेका थिए । प्रधानमन्त्री ओलीसँगको टकरावका कारण यादव सरकारबाट बाहिरिएका छन् । यादवले केही महिना पहिलै आफू मन्त्री पदबाट हट्ने संकेत सार्वजनिक कार्यक्रममार्फत नै गरेका थिए । यहीँ कार्यकालमा पनि उनले मालअड्डामा सरुवा माग्न आएका कर्मचारीलाई हातपात गरेको आरोप लाग्यो ।
चक्रपाणि खनाल : भारतीय तरकारीमा विषादी रोक्ने पहल
माओवादी जनयुद्धमा लडाकू कमाण्डर रहेका चक्रपाणि खनाल पहिलो पटक निर्वाचित भएर संसदमा आएर मन्त्री बनेका हुन् । भारतबाट नेपाल भित्रिने तरकारीमा विषादी परीक्षण गर्नुपर्ने नीति ल्याएर उनी चर्चामा आएका थिए । भारतको चर्को दबाबपछि सरकार विषादी परीक्षणको निर्णयबाट पछि हट्यो । भारतसँग घुडा टेकेको भनेर सरकारको आलोचना भयो ।
मन्त्री खनालले भारतबाट आउने खसीबोकाको क्वारेन्टाइन जाँच गर्ने कडा नीति ल्याएपछि अहिले भारतबाट खसीबोकाको आयात रोकिएको छ । मन्त्री खनालको निर्णयपछि बाख्रापालक नेपाली किसानले राहत महसूस गरेका छन् । खनालले नै विदेशबाट आउने धूलो दूध आयातमा रोक लगाउने निर्णय गराएका छन् ।
धान रोप्ने समयमा रासायनिक मलको हाहाकार तथा उखुको मूल्य तोक्न नसकेको भन्दै स्वयं सत्तारुढ दलका सांसदले कृषि मन्त्रालय नै खारेजीको माग गरेका थिए ।
मलेसिया रोजगारीले खोस्यो गोकर्णको मन्त्री पद !
२०६७ सालमा पहिलो पटक ऊर्जामन्त्री बनेको समयमा विद्युत्को महसुल नतिर्ने सरकारी कार्यालयको लाइन काट्न आफैं हिँडेपछि चर्चा कमाएका गोकर्णले ओली सरकारको पालामा श्रम तथा रोजगार मन्त्रीको जिम्मेवारी पाएका थिए ।
गोकर्ण मन्त्री रहेको समयमा योगदानमा आधारित सामाजिक सुरक्षा योजना कार्यक्रमको उद्घाटन भयो । गोकर्णको पालमा जापानसँग श्रम सम्झौता भयो । तर गोकर्णको अनिर्णयका कारण नेपालीको प्रमुख रोजगार गन्तव्य मलेसियामा १ वर्षसम्म कामदार पठाउने काम बन्द भयो ।
स्वदेशमा पनि विकल्प नदिने र विदेशमा कामदार पठाउन रोकेको भन्दै मन्त्री विष्टको आलोचना भयो । विदेश जाने कामदारको स्वास्थ्य परीक्षणमा देखिएको सिन्डिकेट तोड्न नसकेको तथा श्रम स्वीकृतिको नाममा वैदेशिक रोजगारीका क्रममा हुने ठगी रोक्न नसकेको आरोप उनीमाथि लागेको छ ।
प्रधानमन्त्री रोजगार कार्यक्रमका नाममा सार्वजनिक स्थानका गाई धपाउन र बाँदर लखेट्न समेत राज्यकोषको दुरूपयोग गरेर कार्यकर्ता पोस्ने काम भएको भन्दै उनको आलोचना भयो ।
ट्रेड युनियनको स्वार्थमा गुम्यो लालबाबुको मन्त्री पद
२०७० सालमा तत्कालीन सुशील कोइराला सरकारमा सामान्य प्रशासनमन्त्री बनेको समयमा डीभी र पीआरधारी कर्मचारीलाई जागिरबाट हात धुनुपर्ने कानून ल्याएर लालबाबु पण्डित चर्चामा आएका थिए ।
२०७४ फागुनमा शपथ गरेलगत्तै पहिलो चरणको मन्त्रिपरिषद् विस्तारमै लालबाबु छानिएका थिए । शुरूमा विज्ञान तथा वातावरण मन्त्रीको रूपमा काम गरेका पण्डितले १ महिनापछि सामान्य प्रशासन मन्त्रालयको जिम्मा पाएका थिए ।
कर्मचारी समायोजनको अपजसपूर्ण काम लालबाबुले समयमै पूरा गरे । कर्मचारी समायोजनामा असन्तुष्ट ट्रेड युनियनका नेताहरूले प्रधानमन्त्री ओलीसँग गुनासो गरेका थिए । कर्मचारीका टे«ड युनियन हाबी हुँदा मन्त्री पण्डित बाहिरिए ।
थममायाले केही गरिनन्, केही बिगारिनन्
लामो समय नेकपा एमालेको पोलिटब्यूरो सदस्य रहेकी थममाया थापा पहिलो पटक मन्त्री बनेकी थिइन् ।
मन्त्री बनेको २ वर्षमा गाडी चढ्नेबाहेक केही काम नदेखिएको भन्दै मन्त्री थापालाई हटाउन लागिएको नेकपा स्रोत बताउँछ ।
‘उहाँ मन्त्रालयमा गएर न केही राम्रो काम गर्नुभयो, न बिगार्नु भयो,’ नेकपाका एक सांसद भन्छन् ।
सर्वाधिक बद्नाम मन्त्रीका रूपमा रहे रघुवीर
भौतिक पूर्वाधार तथा यातायात मन्त्री रघुवीर महासेठले पनि मन्त्री पदबाट हात धोएका छन् ।
सिंहदरबारमा महासेठको झण्डै २० महिना लामो कार्यकाल बिर्सनलायक रह्यो । महासेठ ओली सरकारका सर्वाधिक बदनाम मन्त्रीमध्ये एक रहे ।
कुनैपनि निर्माणाधीन आयोजना समयमा सम्पन्न गर्न नसकेको भनेर उनको तीव्र आलोचना भयो । काठमाडौंका विस्तारित सडकहरू समयमा सम्पन्न गर्नेतर्फ उनले देखिने गरी कुनैपनि पहल गरेनन्, जसका कारण राजधानीबासी धूलो र हिलोको सास्ती खेप्न बाध्य छन् ।
‘काठमाडौंका विस्तारित सडक समयमा नबन्दा धूलो र हिलोका कारण बितेको दुई वर्षमा सरकारको सबैभन्दा बढी आलोचना भयो,’ नेकपाका एक नेता भन्छन्, ‘उहाँको कार्यसम्पादन मूल्यांकन सफ्टवेरमा हेर्नुपर्दैन, उहाँको घर जाने नख्खुको बाटो हेरे पुग्छ ।’
धनबहादुर, रामकुमारी र सुरेन्द्र पनि बिदा
ओली सरकारमा रहेका ३ राज्यमन्त्री धनबहादुर बुढा, रामकुमारी चौधरी र डा. सुरेन्द्र यादव पनि बिदा भएका छन् । बुढा र चौधरीले नेकपा तथा यादवले समाजवादी पार्टीबाट प्रतिनिधित्व गरेका थिए ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...