कैलालीको  धनगढीमा भएको फारवेष्ट पशुपति कप फुटबल प्रतियोगिताको उपाधि स्टार सिटी युवा क्लवले हात पारेको छ।

शनिबार धनगढी रंगशालमा भएको प्रतियोगिताको फाइनल प्रतिस्पर्धामा सुदूरपश्चिम—११लाई १–० गोलले पराजित गर्दै स्टार सिटीले उपाधि जितेको हो। स्टार सिटीको उपाधिमा विक्रम सिंहले निर्णायक गोल गरे्। सिंहले पहिलो हाफको ईन्जुरी समयको एक मिनेटमा गोल गरेका थिए । 

विजेता स्टार सिटीले पाँच लाखसहित ट्रफी र मेडल पुरकास्कार पाएको छ। उपविजेता बनेको सुदूरपश्चिम-११ ले दुई लाख ५० हजारमा चित्त बुझाएको छ।

प्रतियोगिताको उत्कृष्ट खेलाडी घोषित स्टार सिटीका कुवेर सिंहले २५ हजार प्राप्त गरे । 

विजेता स्टार सिटीकै उत्कृष्ट प्रशिक्षक कुमार शाही, उत्कृष्ट गोलरक्षक प्रियम खड्का, उत्कृष्ट रक्षक राकेश हमाल, सर्वाधिक गोलकर्ता विक्रम सिंह भए । उदयमान खेलाडी फारवेष्ट पशुपति युवा क्लबका रोशन बिसीलाई १५हजार पुरस्कार प्रदान गरिएको छ। 

समापनका अवसमा आयोजक फारवेष्ट पशुपति युवा क्लबका अध्यक्ष खेम रावत र धनगढी उपमहानगरपालिका प्रमुख नृपबहादुर वडले पुरस्कार वितरण गरेका थिए।