आईसीसी विश्वकप 'क्रिकेट लिग टू'अन्तर्गत नेपालसँगको दोस्रो खेलमा २ सय ५० रनको लक्ष्य पच्छ्याएको ओमानले सम्हालिएर ब्याटिङ गरिरहेको छ ।

यसक्रममा ओमानले पहिलो विकेट ४९ रनको स्थितिमा गुमायो । नेपाललाई पहिलो सफलता कुशल मल्लले दिलाएका हुन् ।

यसअघि टस हारेर पहिले ब्याटिङको निम्तो पाएको नेपालले निर्धारित ५० ओभरमा ८ विकेट गुमाएर २४९ रन जोडेको थियो ।

आफ्नो पहिलो खेलमा ओमानसँग पराजित भएको नेपाल अमेरिकाविरुद्ध भने विजयी भएको थियो ।

ओमानले भने नेपाल आएर खेलेका दुवै खेल जितेको छ ।