निजी व्यवसाय दर्तासम्बन्धी विधेयक पारित

फाइल फोटो

सुदूरपश्चिम प्रदेश सभाको शुक्रवारको बैठकमा ‘निजी व्यवसाय दर्ता गर्ने सम्बन्धमा व्यवस्था गर्न बनेको विधेयक २०७६’ पारित भएको छ । 

बैठकमा उद्योग, पर्यटन, वन तथा वातावरणमन्त्री माया भट्टले प्रदेश सभाबाट विधेयक पारित गरियोस् भन्ने प्रस्ताव पेश गरेकी थिइन् ।


Advertisement

यसअघि विधेयकमाथि भएको छलफलमा नेपाल कम्युनिष्ट पार्टी (नेकपा) का लीलाधर भट्ट, दूर्गाकुमारी कामी, शान्ति नेपाली, नेपाली कांग्रेसका डिल्लीराज पन्त, श्यामलाल रानाथारु, राष्ट्रिय जनता पार्टीका मालामतिकुमारी रानाथारुले भाग लिएका थिए ।

बैठकको प्रारम्भमा समय लिएर नेपाली कांग्रेसका प्रदेशसभा सदस्य कर्णबहादुर मल्लले अछामको विनायक नगरपालिका-२ का वडाध्यक्ष पदमबहादुर धामीको हत्या भएको १२ दिन भइसक्दा पनि घटनाका दोषी पत्ता लगाउन नसक्नुले लज्जाबोध भएको र जनप्रतिनिधिले नै असुरक्षा महसूस गरिरहेको बताए । अर्को बैठक फागुन ४ गते दिनको १ बजे बस्ने छ ।


Advertisement

कमेन्ट गर्नुहोस्