कार्यकर्तालाई प्रचण्डले भने – कोहीलाई रिस उठ्ने, छोडेर हिँडुम् भन्ने पनि हुन सक्छ !

प्रकाश आचार्य
प्रकाश आचार्य

प्रकाश आचार्य लोकान्तरका लागि ५ नम्बर प्रदेशका प्रतिनिधि हुन् ।

नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले पद प्रतिष्ठा पाउनको लागि मात्रै पार्टी एकता नगरिएको बताएका छन् ।

समृद्धि र समाजवादको यात्रा तय गर्न पार्टी एकता गरिएको बताउँदै उनले यहीँ कामको प्रचारका लागि सबै प्रदेशमा प्रशिक्षणका कार्यक्रम राखिएको बताए ।


Advertisement

नेपाल कम्युनिस्ट पार्टी (नेकपा) प्रदेश संगठन कमिटी ५ नम्बर प्रदेशले कोहलपुरमा आयोजना गरेको प्रदेश स्तरीय प्रशिक्षण कार्यक्रमलाई सम्बोधन गर्दै पूर्व प्रधानमन्त्रीसमेत रहेका पार्टी अध्यक्ष प्रचण्डले आलोपालोले जनतामा कन्फ्यूज गराएकाले त्यसलाई त्यागेर अहिले एकताबद्ध भएर अगाडि बढेको बताए ।

‘बडो सुझबुझको साथ, धैर्यताका साथ सर्वसम्मतबाट निर्णय गरेर अघि बढेका छौं,’ उनले भने, ‘पार्टी एकता टुंगियो । केही बाँकी रहलपहल होला । महासचिवसँग बसेर टुंगिन्छ ।’


Advertisement

प्रचण्डले राजनीति एकतालाई सांगठनिक एकता र भावनात्मक एकता बनाउनुपर्ने बताए । ‘कोही कोहीलाई झमेला लाग्न सक्छ, रिस उठ्ने, छोडेर हिँडुम भन्ने पनि हुन सक्छ तर हामीले के सोच्नुपर्‍यो भने सामाजिक, भावनात्मक, वैचारिक ढंगले सुदृढीकरण गर्नुपर्छ,’ उनले भने ।

प्रशिक्षण कार्यक्रममा नेपाल कम्युनिस्ट पार्टी (नेकपा) सचिवालय सदस्य रामबहादुर थापा ‘बादल’, महासचिव विष्णु पौडेल, प्रदेश इन्चार्ज तथा मुख्यमन्त्री शंकर पोखरेलले सम्बोधन गर्दै पार्टी एकताको सन्देश, सरकारका राम्रो काम जनताको माझ पुर्‍याउन कार्यकर्तालाई निर्देशन दिइएको छ । १२ जिल्लाका ३ हजार अगुवा पार्टीलाई प्रशिक्षण दिइएको छ ।

प्रकाश आचार्य
प्रकाश आचार्य

लेखकबाट थप...

कमेन्ट गर्नुहोस्