कात्तिक २३, २०७८
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
चीनबाट ल्याइएका नेपालीलाई भक्तपुरको खरिपाटीस्थित नेपाल विद्युत् प्राधिकरणको तालिम केन्द्रमा निर्मित क्वारेन्टाइनमा १४ देखि १६ दिनसम्म राखिने भएको छ ।
नेपाल वायुसेवा निगमको विशेष विमानबाट आइतवार बिहान करिब ३३० बजे त्रिभुवन अन्तर्राष्ट्रिय विमानस्थल उत्रिएका १७५ जनालाई करिब दुई घण्टासम्म स्वास्थ्य परीक्षणलगायतका विभिन्न औपचारिकता पूरा गरेपछि खरिपाटी लगिएको थियो ।
'सबै जना पूर्ण स्वस्थ छन्, कुनै असामान्य लक्षण देखिएको छैन,' स्वास्थ्य मन्त्रालयको आपतकालीन कार्यसम्पादन केन्द्रका प्रमुख सांगर दाहालले भने, 'क्वारेन्टाइनमा चौबीसै घण्टा एक चिकित्सक, दुई पारामेडिक्स र एक नर्सको टोली रहन्छ। '
उनका अनुसार क्वारेन्टाइनमा बसेकाहरूको शरीरको तापक्रम हरेक दिन परीक्षण गरिन्छ । क्वारेन्टाइनमा विश्व स्वास्थ्य संगठनको मापदण्ड र इन्टरनेसनल हेल्थ रेगुलेसन २००५ ले तोकेको प्रावधानअनुसारको व्यवस्था गरिएको
छ।
स्वास्थ्य मन्त्रालय, नेपाली सेना, सशस्वर प्रहरी र नेपाल प्रहरीका स्वास्थ्यकर्मीको छट्टाछट्टै टिम त्यहाँ खटिएको छ । 'हामीले सोचेभन्दा धेरै राम्रो पायौं, चीनको बुहानस्थित वाजोड कृषि विश्वविद्यालयमा प्लान्ट प्याथोलोजीमा स्नातकोत्तर गरिरहेका सौरभ लुईंटेलले फोनमा भने, 'अहिले सबै ठीक छ, यहाँ बसुन्जेल, यस्तै अवस्था हुनुपर्यो।'
हरेक कोठामा तीन जना वा परिवारको भए दुई जनासम्म राखिएको उनले बताए। क्वारेन्टाइन स्थलमा करिब ६० वटा कोठा छन्। ६ जनाले एउटा शौचालय प्रयोग गर्ने गरी व्यवस्था मिलाइएको छ।
उनीहरूलाई आइतवार बिहान खाजामा चना, स्यान्डविच, अन्डालगायत दिइयो भने खानामा भात, दाल, दुईथरी तरकारी, अचार र साग खुवाइएको छ।
खाना 'ठीके' रहेको लुइंटेलले बताए । उनका अनुसार माइकबाट बोलाएपछि खाना-खाजा राखिएको ठाउँबाट आफैले ल्याउनुपर्छ । कुनै बाहिरी व्यक्तिको सम्पर्कमा नआउन भनिएको छ । खाजा खाएपछि आइतबार राष्ट्रिय जनस्वास्थ्य प्रयोगशालाका टोलीले १७५ जनाकै र्यालको नमुना संकलन गरेको थियो ।
यो नमुनाको पोलिमर चेन रियाक्सन (पीसीआर) परीक्षणबाट कोरोना संक्रमण रहे, नरहेको निर्क्योल गरिनेछ । परीक्षणको नतिजा आगामी बुधबारसम्म आउनेछ । दुई सातापछि फेरि यस्तै परीक्षण गरिनेछ।
क्वारेन्टाइनमा मनोरव्जनका लागि हरेक तलामा टेलिभिजन राखिएको छ, । क्यारमबोर्ड, लुँडो आदिको व्यवस्था गरिएको छ भने व्याडमिन्टनको दुईवटा कोर्टसमेत बनाइएको छ।
इन्टरनेटको व्यवस्था भए पनि त्यो नाम मात्रको रहेको लुईटेलले बताए। 'इन्टरनेट चल्दै चल्दैन, धेरे जनाले चलाएर हो कि' उनले भने ।
क्वारेन्टाइनमा पानी, मास्क, ह्यान्ड स्यानिटाइजर, औषधिलगायत आवश्यक सामग्री उपलब्ध छ। कसैमा शंकास्पद लक्षण देखिए थप परीक्षण र उपचारका लागि आइसोलेसन सुविधा भएका अस्पताल पठाइने आपतकालीन कार्यसम्पादन केन्द्रका प्रमुख दाहालले जानकारी दिए। कान्तिपुर दैनिकमा खबर छ ।
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ। अदालतले त्यसमा दोषीहरुलाई कैद र जरिवानको फैसला पनि गरेको छ । ...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...