कात्तिक २७, २०८०
तिहारकाे समयमा स्वदेशी पेन्ट्सको प्रयोग गरेर सरकारी निवासहरू चिटिक्क बनाइएको छ । यदि तपाईँ अहिले शीतलनिवासस्थित राष्ट्रपति भवन, बालुवाटारस्थित प्रधानमन्त्री निवास र प्रधान न्यायाधीशको निवासमा पुग्नुभयो...
प्रदेश नम्बर ५ को अस्थायी राजधानी बुटवलमा दुईवटा ठूला आयोजनाको निर्माण कार्य धमाधम भइरहेको छ ।
पूर्वपश्चिम राजमार्गसँग जोडिएको बुटवल–१० रामनगरमा राजधानी बाहिर एकै ठाउँमा राष्ट्रिय गौरवका दुई आयोजना बुटवल सभाहल र बुटवल प्रदर्शनी केन्द्रको काम धमाधम भइरहेको हो । यी दुवै अन्तर्राष्ट्रिय स्तरका संरचनाहरू हुन् ।
दुवै ‘ड्रीम प्रोजेक्ट’को मुख्य योजनाकार पूर्व अर्थमन्त्री तथा नेकपा महासचिव विष्णु पौडेल हुन् । यस क्षेत्रका सांसद समेत रहेका पौडेलले जलस्रोत मन्त्री हुँदा सभाहल र अर्थमन्त्री हुँदा प्रदर्शनी केन्द्र बनाउने योजना ल्याएका थिए ।
१६ विगाहा जमिनमा बनिरहेका बुटवल सभाहल र बुटवल प्रदर्शनी केन्द्रले प्रदेशकै मुहार फेर्ने अपेक्षा छ । यी दुई आयोजना बनेपछि बुटवल भौतिक पूर्वाधारमा बलियो बन्नेछ । बुटवलमा निर्माणाधीन सभाहल मुलुककै ठूलो सभाहल हुनेछ ।
सभाहल निर्माणका लागि पाँच वर्ष अघि ०७१ माघ १५ गते रबिना/समानान्तर/सूर्यचन्द्र जेभी काठमाडौंले ठेक्का पाएको थियो ।
शहरी विकास तथा भवन निर्माण विभागले तयार पारेको वृहत् गुरुयोजना अनुरूप नै धमाधम निर्माण कार्य भइरहेको आयोजनाका कार्यालय प्रमुख शिखर लामाले जानकारी दिए ।
कुल २३ करोड ७६ लाख ७१ हजार बराबरमा टेन्डर स्वीकृति भएको यो पहिलो चरणको काम म्याद थप गरेर अब आउँदो वर्षको असार १८ गतेसम्म पहिलो चरणको निर्माण कार्य सक्नुपर्ने छ ।
करीब १६ बिगाह क्षेत्रफलमा निर्माण भइरहेको सम्मेलन केन्द्रको हाल ब्लक ‘ए’, ‘बी’ र ‘सी’ को संरचना निर्माणका काम सम्पन्न भएर साजसज्जा तथा छाना लगाउने लगायतका काम भइरहेका छन् ।
हालसम्म झण्डै ८० प्रतिशत काम सम्पन्न भइसकेको बताइएको छ । आकाशबाट हेर्दा नेपालको राष्ट्रिय झण्डाको आकारमा देखिने सम्मेलन केन्द्रमा दुईतले व्यावसायिक भवन, चारवटा प्रवेशद्वार, एक हजार क्षमताको खुलामञ्च, सूचना प्रविधि, हरियालीका लागि आकर्षक बगैँचालगायत रहने छन् ।
ठेक्का सम्झौता भएको लामो समयसम्म निर्माणस्थलमा रहेका रुखहरू हटाउने विषयमा वन मन्त्रालयले स्वीकृति नदिँदा निर्माणको काम अघि बढ्न सकेको थिएन ।
अहिले कानूनी जटिलतासमेत सबै समाधान भएर निर्माणका कामहरू धमाधम भइरहेका छन् ।
यी संरचनालाई बुटवलमा निर्माण भएपनि समग्र मुलुककै गहनाका रूपमा लिनुपर्ने बुटवल उप–महानगरपालिकाका प्रमुख शिवराज सुवेदी बताउँछन् ।
पहिलो चरणमा निर्माण भइरहेको बुटवल सभाहल बेसमेनसहित चारतलाको हुनेछ । बेसमेनमा करीब सात सय सिटको सभाहल, ५० सिटको बैठक कक्ष, भीआईपी च्याम्बर, बिजनेश सेन्टर, इन्टरनेट कक्ष, सुरक्षा कक्ष, मायाको चिनो बिक्रीस्थल तीनवटा र शौचालय रहने छन् । यस्तै पहिलो तलामा ५० सिट क्षमताका दुईवटा लेक्चर हल, रजिष्ट्रेसन कक्ष र शौचालय रहने छन् ।
यसैगरी दोस्रो तलामा ४ सय ३० सिट क्षमताको बाल्कोनी र शौचालयहरू निर्माण भइरहेका छन् । तेस्रो तलामा जीएम (जेनरल मेनेजर) को कार्यकक्ष, प्रशासनिक कक्ष, लेखा कक्ष, ८० सिट क्षमताको ब्रिफिङ कक्ष तथा चारवटा प्रशारण कक्ष र शौचालयहरू रहनेगरी धमाधम निर्माण कार्य भइरहेको छ ।
यी सबैको संरचना खडा भइसकेर अहिले साजसज्जाको काम चलिरहेको छ । यहाँ दैनिक एक सय ५० जति कामदार खटिएका छन् । उनीहरूले भवन निर्माण, रंगरोगन, मार्बल टायल जडानदेखि इलेक्ट्रिकलका कामहरू गरिरहेका छन् ।
बुटवल सभाहल (सम्मेलन केन्द्र)लाई दुई चरणमा विभाजन गरेर काम शुरू भएको थियो । सोहीअनुरूप पहिलो चरणको काम लगभग ८० प्रतिशत पूरा भइसकेको छ भने अर्को चरणको काम पनि लगभग २५ प्रतिशत पूरा भइसकेको छ । दोस्रो चरणको कामका लागि जेडसीजीआइइसी/आषिस जेभी काठमाण्डौं नामको निर्माण कम्पनीले ०७४ असार २३ गते कार्यादेश पाएको थियो ।
काम शुरू भएको तीन वर्षमा निर्माण सम्पन्न गर्नेगरी ८० करोड ३१ लाख ७० हजार एक सय ८८ रुपैयाँमा टेण्डर स्वीकृति भएको थियो । दास्रो चरणअन्तर्गत हाल साउथ ब्लकको ग्राउण्ड फ्लोरको स्ल्याब र ट्रस, नर्थ ब्लकको ग्राउण्ड फ्लोरको छत ढलान, सर्भिस ब्लकमा प्लिन्थ लेभलको कोलुम, स्टाफ क्वाटरमा फाउन्डेशनको काम भइरहेको छ ।
बुटवल सभाहलको दोस्रो चरणमा उत्तरी र दक्षिणी ब्लक गरी बेसमेनसहित थप दुई तलाको हुनेछ । ग्राउण्ड फ्लोरमा एक सय २६ सिट क्षमताको मिटिङ हल, ७३ सिट क्षमताका अलग–अलग डिजाइनका पाँचवटा मिटिङ हल र प्राथमिक उपचार कक्ष निर्माण हुनेछन् । त्यस्तै पहिलो तलामा ६२ सिट क्षमताको मिटिङ हल, एक सय २६ सिट क्षमताका दुईवटा आकर्षक मिटिङ हल र ४२ सिट क्षमताका तीनवटा मिटिङ हल निर्माण हुनेछन् ।
दक्षिणी ब्लकलाई प्रदर्शनी स्थलका रूपमा निर्माण गरिनेछ । यो ब्लकको ग्राउण्ड फ्लोरमा मात्रै तीनवटा प्रदर्शनी हल र प्रिफङ्सन कक्ष निर्माणका काम शुरू भएका छन् ।
सभाहलको बाहिर सयौं सवारी साधन अट्ने गरी पार्किङ, जलधारासहितको हरियाली बगैँचासमेत निर्माण हुनेछन् ।
बुटवल प्रदर्शनी स्थल
बुटवल मण्डपमै करीब ६.४ विगाह क्षेत्रफलमा राष्ट्रिय गौरवको अर्को महत्त्वपूर्ण आयोजना अन्तर्राष्ट्रिय प्रदर्शनी केन्द्रको पनि काम शुरू भएको छ ।
२०६५ सालमा पुष्पकमल दाहाल प्रधानमन्त्री र विष्णु पौडेल जलस्रोत मन्त्री रहेको बेला सरकराले प्रदर्शनी केन्द्र निर्माणका लागि बुटवल मण्डपको १६ बिघा जग्गा दिने निर्णय गरेको थियो ।
बुटवल अन्तर्राष्ट्रिय प्रदर्शनी केन्द्रको काम पनि धमाधम अगाडि बढेको छ । गत जेठ १३ गते यस क्षेत्रका सांसद पौडेलले शिलान्यास गरेका थिए । एक अर्ब दुई करोड १४ लाख ५३ हजार ८२ रुपैयाँमा टेन्डर स्वीकृति भएको यो प्रदर्शनी केन्द्र २७ महिनाभित्रमा निर्माण सक्नेगरी क्यापासिटई इन्फ्राप्रोजेक्ट्स–गौरी पार्वती जेभी काठमाण्डौंले वैशाख १३ गते कार्यादेश पाएको थियो ।
हाल प्रदर्शनी हलको जगको ढलान गर्ने काम भइरहेको छ । यसलाई करीब २५ प्रतिशत काम पूरा भएको बताइन्छ ।
प्रदर्शनी केन्द्रमा तीनवटा ठूला प्रदर्शनी कक्ष रहनेछन् । जहाँ ८ सय ३८ वटा स्टलहरू रहने छन् । चार सय ५० र ३ सय सिट क्षमताका मिटिङ हल, २ सय जनाले एकैपटक बसेर खान मिल्ने खाजा कक्ष, बाल उद्यानसहितको ठूलो पहाडी ढाँचाको आकर्षक बगैैँचा तथा बिजनेश सेन्टर, रजिस्टे«शन र फङ्सन लबी निर्माण हुनेछन् ।
यस्तै अन्तर्राष्ट्रिय ढाँचाको प्रशासनिक केन्द्र, सार्वजनिक सुरक्षा, प्राथमिक उपचार, शौचालय निर्माण हुनेछन् । यस्तै अन्तर्राष्ट्रिय स्तरको सुरक्षा यन्त्र जडित प्रवेशद्वार, प्रिफङ्सन लबी र आगमन कक्ष निर्माण हुनेछन् ।
तिहारकाे समयमा स्वदेशी पेन्ट्सको प्रयोग गरेर सरकारी निवासहरू चिटिक्क बनाइएको छ । यदि तपाईँ अहिले शीतलनिवासस्थित राष्ट्रपति भवन, बालुवाटारस्थित प्रधानमन्त्री निवास र प्रधान न्यायाधीशको निवासमा पुग्नुभयो...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...