अफ्रिकी मुलुक बुर्किना फासोमा एक प्रोटेस्टेन्ट चर्चमा आक्रमण गरेर बन्दूकधारीहरूले २४ जनाको हत्या गरेका छन् भने १८ जनालाई घाइते बनाएका छन् । 

उत्तरी क्षेत्रमा रहेको पान्सी गाउँमा मुसलमान जिहादीहरूले क्रिस्चियनहरूलाई प्रायः तारो बनाउने गरेका छन् । 

सशस्त्र आतंकवादीहरूको एक समूहले शान्तिपूर्ण रूपमा बस्ने स्थानीयहरूलाई आक्रमण गरेर मारेको गभर्नर साल्फो काबोरेले एक वक्तव्य जारी गरेर बताए । 

आक्रमण आइतवार धार्मिक प्रार्थना चलिरहेको बेलामा गरिएको सुरक्षा अधिकारीहरूले बताए । 

पान्सी गाउँलेहरू सुरक्षाका लागि चर्चमा भेला भएको सेब्बा शहरका एक निवासीले बताए । 

क्रिस्चियन र मुसलमान दुवैलाई मारेर चर्चमा आगजनी गरिएको एक सुरक्षा अधिकारीले नाम नबताउने शर्तमा जानकारी दिए ।