गौतमवुद्ध क्रिकेट रंगशालालाई ऋचा शर्माको २५ हजार सहयोग

नायिका ऋचा शर्माले चितवनको भरतपुरमा निर्माणाधीन गौतमवुद्ध अन्तर्राष्ट्रिय क्रिकेट रंगशालाका लागि २५ हजार रुपैयाँ सहयोग गरेकी छन्।

यो रंगशाला धुर्मुश-सन्तुली फाउन्डेसनले निर्माण गरिरहेको छ।


Advertisement

सीताराम कट्टेल ‘धुर्मस’ र कुञ्जना घिमिरे ‘सुन्तली आफ्नो आगामी फिल्म ‘सेन्टी भाइरस’ को प्रमोशनका लागि कमेडी च्याम्पियनमा पुगेका बेला ऋचाले सहयोग बापत उक्त रकमको चेक हस्तान्तरण गरेकी हुन्।

ऋचा कमेडी च्याम्पियनको जज हुन्। आफू र आफ्नो परिवारको तर्फबाट भन्दै ऋचाले रकमको चेक हस्तान्तरण गरेकी हुन्।


Advertisement

‘सेन्टी भाइरस’ फिल्मको आम्दानीको ५० प्रतिशत रंगशालामा खर्च गरिने यसअघि घोषणा गरिसकिएको छ। यो फिल्म फागुन ९ गते रिलिज हुँदैछ।

०७५ माघ १६ गते अन्तर्राष्ट्रिय क्रिकेट रंगशाला निर्माणको घोषणा गरिएको थियो।

चितवनको भरतपुर महानगरपालिकास्थित कृषि तथा बन विश्वविद्यालय परिसरको शान्तिचोकमा रहेको २० बिघा ८ कठ्ठा क्षेत्रफलमा २५ हजार दर्शक क्षमताको अत्याधुनिक सुबिधासम्पन्न रंगशाला निर्माण गर्न लागिएको छ ।
 
 
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्