सेतो गोही दुर्लभै मात्र देख्न पाइन्छ । अमेरिकाको नर्थ क्यारोलाइनाको एक चिडियाखानामा सेतो गोही छ । 

रमाइलो कुरा त, सेतो गोहीलाई खुबै सेवासुश्रूषा गरिन्छ किनकि यस्तो गोही सामान्य प्राकृतिक अवस्थामा बाँच्न सक्दैन । सेतो गोहीलाई दिनदिनै ब्रशले घोटेर सफा गरिन्छ र ऊ बस्ने पानी पनि केही दिन बिराएर बदलिन्छ । 

१४ वर्षीय यस गोहीको नाम लुना हो र यसलाई पाण्डुरंग लागेको छ । 

शिकागो जूलोजिकल सोसाइटीका अनुसार, संसारभरि जम्मा १०० वटा पाण्डुरंगी गोही छन् । सेतो गोहीको छाला नरम हुन्छ र उसले शिकारीबाट आफूलाई बचाउन सक्दैन । त्यसैले ऊ सामान्य प्राकृतिक अवस्थामा बस्न सक्दैन ।

सेतो गोहीले अन्य गोहीले जस्तो घाम ताप्न पनि सक्दैन । घामले उसको छाला र आँखा डढ्छ । त्यसैले सेतो गोहीले आफ्नो शिकारलाई पनि देख्न सक्दैन । 

केही वर्षअघि साउथ क्यारोलाइनाको एक एक्वेरियममा आलाबस्तर नामक सेतो गोहीको मृत्यु भएको थियो । उसको छालामा संक्रमण भएर रातो भएको र मृत्यु भएको बताइन्छ ।