सडक काटिरहेका मानिसलाई कारले ठोक्यो, अन्य ६० गाडीले उसलाई कुल्चिँदै गए

भारतको पुणे–मुम्बई एक्सप्रेसवेमा रहेको बाउर गाउँमा तीव्र गतिमा आएको एक कारले ४७ वर्षीय पुरुषलाई बुधवार राति ८ बजे ठक्कर दिएको छ । 

ठक्कर दिएपछि कार रोकिएन र ती पुरुषको शरीर व्यस्त सडकमा त्यत्तिकै लडिरह्यो । त्यसबीचमा मृत शरीरलाई लगभग ६० गाडीले कुल्चिँदै गुडे । 


Advertisement

कामशेत प्रहरीका अनुसार, ती व्यक्तिको शरीर धेरै टुक्राटुक्रा भएको थियो र उनीहरूले टुक्राहरू संकलन गर्नुपरेको थियो । व्यक्तिको पहिचान उनको शर्टमा रहेको खल्तीको कागजातबाट पत्ता लागेको थियो । 

अनुसन्धान अधिकृत विनोद नागलोतले घटनाको खबर पाएपछि प्रहरी घटनास्थलतिर दौडिएको र सडकबाट शरीरका अंगहरू हटाएको बताए । ‘ती व्यक्तिको नाम अशोक मगर हो र उनी बाउर गाउँमा बस्छन् । कुन गाडीले उनलाई पहिला ठोकेको भन्ने थाहा हुन सकेको छैन,’ उनले भने । 


Advertisement

पैदलयात्रीलाई बाटो काट्न नदिइने ठाउँबाट मगरले बाटो काटेको नागलोतले बताए । ‘उनले ३०० मिटर पर रहेको आकाशेपुल उपयोग गरेको भए हुन्थ्यो । पहिचान नखुलेको एक कार पुणेबाट मुम्बईतिर आइरहेको थियो र उनलाई शुरूमा हिर्कायो । मगर सडकमै ढले र पछिपछि आएका अन्य गाडीले उनलाई कुल्चिँदै गुडे । रगतको धब्बा सडकको १५० मिटरको दूरीमा फैलिएको छ ।’

अँध्यारो भएकाले एक्सप्रेसवेमा गाडीचालकहरूले सडकमा लडिरहेको लाश नदेखेको हुन सक्ने प्रहरीको भनाइ छ । अनि पछाडिबाट आएका गाडीले ठोक्न सक्ने डरले पनि गाडीचालकहरूले गाडी नरोकेको हुन सक्ने प्रहरीले बतायो ।

द टाइम्स अफ इन्डियाबाट
 

एजेन्सी
एजेन्सी

लेखकबाट थप...

कमेन्ट गर्नुहोस्