कोविड–१९ भनिने कोरोनाभाइरसको केन्द्रविन्दु चीनको वुहान शहरमा अर्का एक चिकित्सकको मृत्यु भएको छ । 

स्वास्थ्य अधिकारीहरूका अनुसार, वुहानको जियाङशिया जिल्लाको फर्स्ट पिपुल्स हस्पिटलको श्वासप्रश्वास तथा सघन उपचारमा कार्यरत २९ वर्षीय चिकित्सक पेङ यिनहुआको मृत्यु बिहीवार राति ९ः५० मा भएको हो । 

पेङलाई भाइरस लागेपछि जनवरी २५ मा अस्पताल धर्ना गरिएको थियो र स्वास्थ्य अवस्था ३० तारिखमा अत्यन्तै खराब भयो । उनलाई आपतकालीन उपचारका लागि जिनयिन तान अस्पताल लगिएको थियो र त्यहीँ उनको मृत्यु हो ।

जियाङसिया स्वास्थ्य आयोगले पेङको परिवारलाई गहिरो समवेदना प्रकट गरेको छ । 

जियाङसिया जिल्लाले यसअघि भाइरस रोगीको उपचारमा अग्रपंक्तिमा खटिएका चिकित्सकहरूमध्ये एक पेङ पनि भएको भन्दै उनले कामका लागि विवाहलाई पनि स्थगित गरेको भनी आलेख छपाएको थियो । 

यसअघि वुहान वुचाङ अस्पतालका निर्देशक लिउ झिमिङको पनि कोरोनाभाइरसकै कारण मृत्यु भएको थियो ।