दिल्लीमा भएको हिंसामा मर्नेको संख्या ७ पुग्यो, १५० जना घाइते

भारतको राजधानी दिल्लीमा दुई समूहबीच भएको झडपमा मृत्यु हुनेको संख्या सात पुगेको छ । १५० जना घाइते भएका छन् । 

नागरिकता संशोधन कानूनको विरोधमा दुई महिनादेखि चलिरहेको विरोध प्रदर्शनमा अहिले आएर दंगा र हिंसा भएको हो । 


Advertisement

‘दिल्ली प्रहरीका एक हेड कन्स्टेबल सहित सातजनाको मृत्यु भएको छ,’ प्रहरी अधिकारी अनिल मित्तलले बताए । 

नयाँ कानूनको समर्थन र विरोधमा हजारौं मानिसले दिल्लीको उत्तरपूर्वी क्षेत्रमा प्रदर्शन गरिरहेका छन् । प्रहरीले अश्रूग्यास र धूवाँ फाल्ने ग्रिनेड प्रहार गरे पनि ढुंगा हान्ने भीडलाई तितरबितर पार्न सकेन । भीडले धातुबाट बनेका ब्यारिकेडलाई ध्वस्त पारेको छ र एक पेट्रोल पम्पमा आगजनी गरेको छ । 


Advertisement

शहरका विभिन्न भागमा मंगलवार पनि तनावको स्थिति छ । केही क्षेत्रका विद्यालयहरू बन्द गरिएका छन् । शहरका पाँचवटा मेट्रो स्टेसन बन्द छन् ।

एजेन्सी
एजेन्सी

लेखकबाट थप...

कमेन्ट गर्नुहोस्