ह्यूण्डाईले नेपालमा ल्यायो नयाँ आयोेनिक इलेक्ट्रिक २०२०

लक्ष्मी इन्टरकन्टिनेन्टल प्रालि ह्यूण्डाईको नेपालका लागि आधिकारिक बिक्रेताले आफ्नो नयाँ इलेक्ट्रिक कार आयोेनिक २०२० लन्च गरेको छ ।

ह्यूण्डाई आयोेनिकको यो नवीनतम भर्जन अझ उत्कृष्ट पावर र विशेषताका साथ आएको छ ।


Advertisement

यो नयाँ इलेक्ट्रिक प्रिमियम सेडानले इलेक्ट्रिक गाडीको जगतमै नयाँ आयाम रच्ने छ । यसको अत्याधुनिक प्रविधिले तपाईंको राइडलाई पावरफूल, आरामदायी, सुरक्षित र झनझट मुक्त बनाउँछ ।

आयोेनिकमा ३८.३ किलोमिटर प्रतिघण्टा इलेक्ट्रिक मोटरको साथ १०० केडब्यूको ब्याट्री पावर छ र यसको अधिकतम स्पीड १६५ केपीएच छ, जसले यसलाई विना झन्झट लामो दूरीको यात्राको लागि उत्कृष्ट बनाउँछ र यसको ड्राइभिङ रेन्ज ३११ किलोमिटर छ । यो पूर्ण इलेक्ट्रिक मोबिलिटीले पार्टहरू हल्लिन कम गर्ने भएकाले गाडी कुनै आवाज बीना आरामले गुड्ने जनाइएको छ ।


Advertisement

‘नयाँ आयोेनिक २०२० मा प्याडल सिफ्ट गर्न मिल्ने सुविधा छ, जसले रिजेनेरेटिभ ब्रेकिङमा चार लेबलको नियन्त्रण प्रदान गर्दछ र यसले चालकलाई सिस्टमको डिफल्ट इको ड्राइभिङको र तीव्र प्रदर्शनको लागि फूल पावर प्रदान गर्छ । आयोेनिक २०२० को साथ ग्राहकले अब इलेक्ट्रिक गाडी किन्दा लुक्समा सम्झौता गर्नुपर्दैन किनकि यसमा एलईडी डीआरएल र हेडल्याम्पस, स्मार्ट इलेक्ट्रिक सनरुफ र नयाँ आइकोनिक ग्रील छ । यसमा विभिन्न आरामदायी र सहुलियतका विशेषताहरू छन्, जस्तै कि ८ इन्चको फ्लोटिङ टच स्क्रीन, हिटेड र भेन्टिलेटेड सिटहरू, ड्राइभ मोड सेलेक्ट, वायरलेस फोन चार्जर इत्यादि । यसैगरी गाडीहरू ७–एयर ब्याग सिस्टम, हिल एसिस्ट कन्ट्रोल, एन्टी–लक ब्रेकिङ्ग सिस्टम, ईलेक्ट्रोनिक स्टेबिलिटी कन्ट्रोल, रियर पार्किङ क्यामरा र सेन्सरहरु जस्ता सुरक्षावद्र्धक विशेषताले भरिपूर्ण छ,’ कम्पनीद्वारा जारी विज्ञप्तिमा उल्लेख छ ।

उच्च प्रभावकारिता र वातावरण मैत्री सवारीसाधन उत्पादन गर्ने आफ्नो प्रतिबद्धतालाई ह्यूण्डाईले आयोेनिक २०२० को साथ पूरा गर्दै उल्लेखनीय फड्को मारेको छ । ‘ह्यूण्डाई ग्राहकबारे सोच्ने ब्राण्ड हो र हामी हाम्रो भावी सन्ततीलाई फाइदा हुने दीर्घकालीन परिवर्तन ल्याउन सफा मोबिलिटी समाधान प्रदान गर्नका लागि प्रतिबद्ध छौं । ग्राहकहरूलाई ड्राइभिङ डाइन्यामिक्स, लुक्स र पर्फरमेन्समा सम्झौता नगरी विविध वातावरण मैत्री गाडीहरुबाट प्रेरित गर्न ह्यूण्डाई भविष्यको पूर्णरुपले तयार छ,’ विज्ञप्तिमा उल्लेख छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्