क्रिकेटका सर्वश्रेष्ठ फील्डर मानिने दक्षिण कोरियाली खेलाडी जोन्टी रोड्स बुधवार भारतको ऋषिकेश पुगेका छन् । त्यहाँ उनले गंगा नदीमा डुबुल्की समेत लगाएका छन् । 

डुबुल्की मारेको फोटो उनले ट्विटरमा पोस्ट गरे । अनि क्याप्सनमा लेखे, ‘पवित्र गंगाको चिसो पानीमा डुबुल्की लगाउँदा शारीरिक र आध्यात्मिक दुवै फाइदा हुन्छ ।’

उनले आफ्नो तस्वीरसँगै तीनवटा ह्याशट्याग शब्द पनि उपयोग गरेका छन् । मोक्ष, ऋषिकेश र इन्टरनेसनल योग फेस्टिवल शब्दको उनले ह्याशट्याग बनाएका हुन् । 

Benefits of cold water immersion in the Holy Ganges are both physical and spiritual #moksha #rishikesh #internationalyogfestival pic.twitter.com/yKjJUZsoz2

— Jonty Rhodes (@JontyRhodes8) March 4, 2020

तस्वीरमा उनी गंगाको पानीमा छातीसम्म डुबेर उभिएको अनि दुवै हात जोडेको देखिन्छ । 

रोड्स आजकल आईपीएलको १३औं संस्करणका लागि भारतमा छन् । उनी किंग्स इलेभन पंजाबका फील्डिङ कोच हुन् । उनको कार्यकालमा मुम्बई इन्डियन्सले तीनपटक आईपीएल जितेको थियो ।