२६ जेठ २०८३, मंगलबार
औद्योगिक ग्राम विकासका लागि समझदारी भएका स्थानीय तहका प्रतिनिधिलाई उद्योग वाणिज्य तथा आपूर्ति मन्त्रालयले अभिमुखिकरण प्रदान गरेको छ ।
मन्त्रालयले चालू आर्थिक वर्षमा स्थानीयस्तरमा औद्योगिक ग्राम स्थापना गर्ने सम्झौता गरेका स्थानीय तहका प्रमुख र कार्यकारी अधिकृतलाई औद्योगिक ग्राम स्थापना र विकाससम्बन्धि अभिमुखीकरण प्रदान गरेको हो ।
मन्त्रालयले चालू आर्थिक वर्षमा ३७ वटा स्थानीय तहमा ९२ लाखको दरले लगानी गरी औद्योगिक ग्राम स्थापना गर्ने सम्झौता गरेको थियो ।
अभिमुखिकरण कार्यक्रममा बोल्दै उद्योग, वाणिज्य तथा आपुर्ति मन्त्री लेखराज भट्टले औद्योगिक ग्राम स्थापनाले नेपालमा उद्योगको विकासको लागि महत्वपूर्ण भूमिका खेल्ने बताए ।
मन्त्री भट्टका अनुसार औद्योगिक ग्राम स्थापनाले सरकारले अगाडि बढाएको ‘सुखी नेपाल, समृद्ध नेपाली’ कार्यक्रमलाई साकार पार्न महत्वपूर्ण भूमिका निर्वाह गर्नेछ ।
औद्योगिक ग्राम स्थापना भएका सबै स्थानीय तहहरूलाई सम्झौताअनुसारको रकम हस्तान्तरण गरिसकेको मन्त्रालयले जानकारी दिएको छ ।
औद्योगिक ग्राम स्थापना गर्न सम्झौता भएकास्थानीयतह
