उद्योगमन्त्री भन्छन् - ढुक्क हुनुहोस्, ६ महिनालाई पुग्ने खाद्यान्न मौज्दात छ

नारायण अर्याल
नारायण अर्याल

पत्रकार अर्याल लोकान्तरका लागि समसामयिक घटनाक्रम र प्रशासनिक मामिलामा रिपोर्टिङ गर्छन् ।

फाइल तस्वीर

उद्योग, वाणिज्य तथा आपूर्तिमन्त्री लेखराज भट्टले ६ महिनालाई पुग्ने खाद्यान्न मौज्दात रहेको बताएका छन् । विश्वव्यापी महामारीको रूपमा विकसित कोभिड १९ भनिने कोरोनाका कारण दैनिक उपभोग्य वस्तुको आपूर्तिमा अवरोध आउन सक्ने देखिएपछि मन्त्रालयले नागरिकलाई खाद्यान्न अभाव नहुने भन्दै आश्वस्त पारेको हो ।

मन्त्री भट्टले बिहीवार र शुक्रवार मन्त्रालय अन्तर्गतका विभाग, औषधि व्यवस्था विभाग, नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्शसहित दैनिक उपभोग्य वस्तुहरूको कारोवार गर्ने सम्बद्ध व्यवसायका प्रतिनिधिहरूसँग यस विषयमा छलफल गरेका थिए ।


Advertisement

छलफलमा दैनिक उपभोग्य वस्तुको विद्यमान अवस्था, समस्या र आगामी दिनमा गर्नुपर्ने कार्यहरूको विषयमा विस्तृत रूपमा कुराकानी भएको मन्त्री भट्टले बताए ।

छलफलले बजारमा मास्क र स्यानीटाइजरको आपूर्तिमा असर परेको निष्कर्ष निकालेको छ । यी दुवै वस्तुहरूको आपूर्तिमा सहजपना ल्याउन र अन्य उपभोग्य वस्तुहरूको अभाव नभएको विषयमा जनतालाई आश्वस्त पार्ने र छाता संगठनहरूका मातहत संगठनले आपूर्ति व्यवस्था नियमित गर्नुपर्ने विषय छलफलमा उठेको थियो ।


Advertisement

व्यवसायीहरूले बजारमा कृत्रिम अभाव सिर्जना हुन नदिने प्रतिबद्धता जनाएका छन् ।

मन्त्री भट्टले पेट्रोलियम पदार्थ, नून चिनी चामल लगायतका खाद्यान्नको आपूर्तिमा समस्या नरहेको बताए । खाद्य व्यवस्था तथा व्यापार कम्पनी सँग २५ हजार ६ सय ६९ मेट्रिक चामल मौज्दात रहेको मन्त्रालयले विज्ञप्तिमार्फत जानकारी दिएको छ ।

हेर्नुहोस् मन्त्रालयले जारी गरेको विज्ञप्ति -


 

नारायण अर्याल
नारायण अर्याल

लेखकबाट थप...

कमेन्ट गर्नुहोस्