नेपाल विद्यार्थी संघ पाटन संयुक्त क्याम्पसका नेता तथा आध्यात्मिक चिन्तक रमेश कुँवरले आफ्नो जन्मदिन अनाथालयका बालबालिकासँग मनाएका छन् ।

जन्मदिनको अवसरमा नेता कुँवरले काठमाडौंको गौशालास्थित मातृभूमि सेवा आश्रमका अनाथ बालबालिकालाई शैक्षिक सामग्री, खाद्यान्न सामग्री र मास्क वितरण गरेका छन् । कुँवरले २४ औं जन्मदिन मनाएका हुन् ।

जन्मोत्सव कार्यक्रममा नेपाल मानव धर्म सेवा समितिका वरिष्ठ महात्मा लता बाईजी, युवा संगठन संयोजक नवीन कोइराला, उत्तम गिरी लगायतले युवामा दान र सेवाको भावना हुनु समाजका लागि राम्रो भएको विचार व्यक्त गरेका थिए ।

कार्यक्रममा नेविसंघका महामन्त्री महेश्वरी कुँवर, नेपाली कांग्रेस अछाम पार्टी सभापति भरतकुमार स्वार, पूर्व सभापति मेगराज खड्का लगायत राजनीतिक व्यक्तित्वको समेत सहभागिता रहेको थियो । अनाथालयका बालबालिकालाई नेतृ कुँवरले समेत मास्क वितरण गरेकी थिइन् ।

‘युवा पुस्तामा सामाजिक सेवा एवं आध्यात्मिक भावना जागृत गराउन अनाथालयमा जन्मदिन मनाएको हुँ । आफ्नो जन्मदिन मनाउँदा बालबालिकाको मुहारमा खुशी देखर मलाई खुशी लागेको छ,’ नेता कुँवरले भने ।