कात्तिक २१, २०८०
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
सिरहाको लक्ष्मीपुर पतारी गाउँपालिका २ का लक्ष्मण साहको परिवार आज बिहान सुतिरहेकै बेला गाउँपालिकाका अध्यक्षसहितको टोली साबुन, मास्क र स्यानिटाइजर बोकेर उनको घर पुग्यो ।
ढोका ढक्ढकाउँदा बल्ल ओछयानबाट उठेका साह तथा उनका परिवारजनले बिहानै गाउँपालिकाका अध्यक्ष रामबल्लभ साहसहितको टोलीलाई आफ्नो दैलामा देखेपछि एकछिन अकमक्क परेका थिए ।
त्यसपछि गाउँपालिकाका अध्यक्ष साहले उनको परिवारजनका सबै सदस्यलाई मास्क वितरण गर्दै कोरोना भाइरसबाट जोगिन साबुनपानीले नियमित हात धुन र स्यानिटाइजरको प्रयोग गर्न आग्रह गरेपछि बल्ल उनका परिवारजनले गाउँपालिका अध्यक्षसहितको टोली जनचेतना दिन आएको बुझेका थिए ।
कोरोना भाइरसको लक्षण र त्यसबाट आफू कसरी बच्ने तथा अरुलाई बचाउन सकिने भन्ने जनचेतनामूलक पर्चा लिएर गोलबजार नगरपालिका ५ मा पुग्नुभएका नगरप्रमुख देवनाथ साहले मास्क र साबुन वितरण गरेपछि सर्बसाधारणहरु दङ् परेका थिए ।
कोरोनाबाट जोगिनका लागि नियमित मास्क लगाउन, साबुनपानीले मिचिमिची हात धुन र भीडभाडमा नगएर घरमै बस्न आग्रह गरेपछि उपस्थित स्थानीयवासीले नगरप्रमुखको कामको प्रशंसा गर्दै सुझावनुसार नै नियमित व्यहार गर्ने प्रतिबद्धता व्यक्त गरेका थिए ।
गोलबजार नगरपालिका प्रमुख र लक्ष्मीपुर पतारी गाउँपालिका अध्यक्ष मात्रै होइन, यतिबेला सिरहाका अधिकांश जनप्रतिनिधि आफ्ना नागरिकलाई कोरोनाको सङ्क्रमणबाट जोगाउन मास्क, साबुन, स्यानिटाइजरलगायत सरसफाइ सामग्री वितरण गर्दै जनचेतना जगाउन सक्रिय बनेका छन् ।
महामारीको सन्त्रासले त्रसित बनेका आफ्ना नागरिकलाई भरोसा दिन जनप्रतिनिधि जनताको दैलामा पुग्न थालेपछि नागरिकमा थोरै भए पनि आत्मविश्वास बढ्न थालेको गोलबजार नगरपालिका ३ का श्रवण चौधरीले बताए । उनले भने, ‘यसबाट जनतामा रहेको भ्रम केही हदसम्म भएपनि हटेको छ र यसबाट प्रतिनिधिप्रतिको भरोसा बढ्न थालेको छ ।’
सिरहामा १७ स्थानीय तह छन् । ती तहका जनप्रतिनिधिमध्ये अधिकांश यति बेला स्थानीय तहमा कोही गाउँगाउँमा कोरोना भाइरससम्बन्धी जनचेतना जगाउनमा व्यस्त छन् भने कोही क्वारेन्टाइन स्थापना गर्नमा सक्रिय बनेका छन् ।
लक्ष्मीपुर गाउँपालिकाका अध्यक्ष रामबल्लभ साहले भने, ‘हाम्रो पालिकाका सबै व्यक्तिलाई मास्क र सबै परिवारमा साबुन पु¥याइरहेका छौंँ ।’ कुल पाँच वडामध्ये दुई वटा वडामा मास्क र साबुन बाँडिसकिएको र बाँकी वडामा समेत बाँड्ने काम भइरहेको उनको भनाइ छ । गाउँपालिकामा करीब २७ हजार जनसङ्ख्या छ ।
सबै स्थानीय तहले टोल टोलमा पुगेर कोरोना भाइरसबाट जोगिन जनचेतनामुलक माइकिङ्ग समेत गरिरहेका छन् । सबै वडाका ठाउँठाउँमा सर्वसाधारणलाई हात धुन साबुनपानीको व्यवस्था मिलाउनाका साथै १० शय्याको क्वारेन्टाइनसमेत स्थापना गरिसकिएको सिरहा कल्याणपुर नगरपालिकाका प्रमुख सूर्यनाथ मण्डलले बताए ।
आफ्नो गाउँपालिकाभित्र प्रवेश गर्ने सबैलाई अनिवार्य रुपमा साबुनपानीले हात धुने व्यवस्था मिलाइएको र हात धोएर मात्र गाउँपालिकामा प्रवेश गर्न दिने व्यवस्था गरिएको लक्ष्मीपुर पतारीका अध्यक्ष साहको कथन छ ।
कोरोना भाइरसबाट प्रभावित अन्य मुलुकबाट फर्किएकाहरुको तथ्याङ्क सङ्कलन भइरहेको सिरहा भगवानपुर गाउँपालिकाका अध्यक्ष बेचन यादवले बताए । भारतीय सीमावर्ती क्षेत्रसँगै जोडिएकाले जोखिम बढेको अध्यक्ष यादवले बताए ।
उनले भने, ‘त्यसैले भारतसहित अन्य प्रभावित देशबाट रोग फैलिएपछि यता आएकाहरुको खोजी गरिरहेका छौंँ, त्यस्ताहरुलाई तत्काल सूची तयार पारेर क्वारेन्टाइनमा राख्ने तयारी गरिरहेका छौंँ ।’
गाउँपालिकाले भारतीय सीमावर्ती क्षेत्र ठाडीमा क्वारेन्टाइन स्थापना गरिसकेको छ । कोरोना महामारीको त्रासले विश्व नै आतङ्कित भइरहेका बेला आफ्ना नागरिकप्रति जनप्रतिनिधिले देखाएको सक्रियता निश्चय नै अनुकरणीय रहेको लहान नगरपालिका ७ का राजेश गुप्ता बताउँछन् । देश नै सङ्कटमा पर्न लागेका बेला जनतालाई भरोसा दिँदै जोगिने विधिबारे घरघरमा बुझाउन जनप्रतिनिधिले खेलेको भूमिकाबाट जनता र जनप्रतिनिधिबीच अझ सम्बन्ध मजबुत हुने उनको विश्वास छ ।रासस
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...