व्यावसायिक घराना गोल्यान समूहअन्तर्गतको ‘माटो ब्राण्ड’ ले काठमाडौँ उपत्यकामा अर्गानिक तरकारी र फलफूल उपलव्ध गराउने थालेको छ।

मुलुक लकडाउनको अवस्थामा रहेका बेला सहजताका लागि आइतबारदेखि भ्यानबाट तरकारी र फलफूल बिक्रीको प्रबन्ध मिलाइएको माटो ब्रान्डले जनाएको छ।

‘आत्मनिर्भरताको उपाय खोजौँ, नेपाली माटोको उत्पादन रोजौँ’ भन्ने नारासहित बजारमा आएको उक्त ब्राण्डको भ्यानले काठमाडौं, ललितपुर र भक्तपुरमा तरकारी पु-याइरहेको हो।

यो ब्रान्डले तरकारी र फलफूल पु¥याउने स्थानको समयतालिका पनि सार्वजनिक गरेको छ। माटो ब्राण्डले झम्सीखेलको आर्मी ब्यारेक, बालकुमारीको वेस्टार रेजीडेन्सी, बत्तिसपुतली, ज्ञानेश्रचोक, नक्सालस्थित  भाटभटेनी मन्दिर चुनदेवीको मुख्य चौक, बालुवाटार र सोल्टीमोडमा भ्यान राखेर ताजा तरकारी र फलफूल बिक्री थालेको हो।

उक्त क्षेत्रमा खरिद गर्न चाहानेले ९८०१०६१८६१, ९८०१०६८०९४ र ९८०१००६९१६ मा सम्पर्क गर्न गोल्यान समूहले जनाएकाे छ।

माटाे ब्रान्डकाे उत्पादन पाइने समयतालिका