लक–डाउन उल्लंघन गर्नेलाई होल्ड गर्ने अभियानले तिव्रता पाएको छ ।

मंगलबार बिहानदेखि ७ बजेसम्मममा काठमाडौं उपत्यकामा लकडाउन उल्लंघन गर्ने ६ सय २५ जनालाई होल्डमा राखिएको महानगरिय प्रहरी प्रमुख प्रहरी नायब महानिरिक्षक (डीआइजी) विश्वराज पोखरेलले लोकान्तरलाई जानकारी दिए ।

उनका अनुसार, ५ सय ४७ जना पुरुष तथा ७८ जना महिलालाई होल्डमा राखिएको छ । यस्तै ६८ सवारी साधनलाई पनि होल्डमा राखिएको छ । 

सरकारले कोरोना भाइरसको संक्रमणलाई न्यूनिकरण गर्न भन्दै लक–डाउन गरेको छ । लक–डाउनको अवधिमा अत्यावश्यक बाहेकको अवस्थामा घरबाहिर निस्कन पाइदैन ।

अत्यावश्यक काम नभई बाहिर निस्कनेलाई प्रहरीले एक घन्टासम्म होल्ड गर्दै आएको छ ।