फ्रान्समा रहेको चिनियाँ दूतावासले कोभिड–१९ महाव्याधिको रोकथाममा संघर्ष गरिरहेको स्थितिलाई इंगित गर्दै वुहानमा भाइरस संक्रमण रोक्न चीनले गरेको प्रयासलाई पश्चिमी सञ्चारमाध्यम तथा सरकारहरूले उचित श्रेय नदिएको बताएको छ ।

दूतावासले एउटा कडा निबन्ध लेख्दै तर्क गर्‍यो, ‘चीनविरोधीहरू हाम्रो राजनीतिक प्रणालीको सफलताको ईर्ष्या गर्छन् अनि आफ्ना मुलुकले संक्रमण रोक्न नसकेको तथ्यलाई घृणा गर्छन् । अनि उनीहरू चीन निरंकुश मुलुक हो भनी ट्याग लगाउँछन् ।’

तिनै विरोधीहरू दक्षिण कोरिया, जापान र सिंगापुर जस्ता ‘एसियाली लोकतन्त्र’ को प्रशंसा गर्छन् जबकि चीनको क्वारेन्टाइन उपाय बढी कठोर हुनैपर्ने थियो किनकि उसको जनसंख्या नै ठूलो र कोरोनाभाइरससँग लड्न उसले थप ठूलो चुनौतीको सामना गर्नुपरेको थियो । 

जे भए पनि एसियाली मुलुकहरूले पश्चिमी मुलुकको तुलनामा महाव्याधि रोक्न सफलता हासिल गरे अनि भाइरसले लोकतन्त्र वा निरंकुशतन्त्र हेर्दैन, दूतावासले तर्क गर्‍यो । 

निबन्धको शीर्षक छ - 'राजनीतिक प्रणाली र महामारीविरुद्धको लडाइँ : महान् द्विविधा' ।

चीनले आधिकारिक रूपमा कोभिड–१९ रोक्नका लागि सफलता हासिल गरेको दाबी गरेको छ । संक्रमणको केन्द्रविन्दुका रूपमा रहेको हुबेइ प्रान्तको वुहानमा एक हप्तादेखि नयाँ केस देखिएको छैन र उसले लकडाउन लगायतका नियन्त्रणहरू हटाएको छ । 

बेइजिङ यो स्थितिलाई सफलताको कथा मानेको छ । फ्रान्स र अमेरिका जस्ता अहिले भाइरसबाट आक्रान्त भएका मुलुकहरूका टिप्पणीकारहरूले चिनियाँ अनुभवबाट सिक्नुपर्ने केही पनि छैन भन्दा बेइजिङ रिसाउँछ । 

मुलुकमा कोरोनाभाइरसका संक्रमणहरू घट्दै गएपछि चीनले अहिले सद्भाव बढाउने अनि महाव्याधिबाट सताइएका अन्य मुलुकमा चिकित्सक र सहायता सामग्री पठाएर आफ्नो विज्ञता शेयर गर्ने काम गरिरहेको छ ।

आरटीबाट