अमेरिकामा संक्रमित मास्क लगाउन बाध्य चिकित्सकको मृत्यु

अमेरिकामा कोरोनाभाइरसको कहर बढ्दै जाँदा मुटु छियाछिया पार्ने घटनाहरू सार्वजनिक भइरहेका छन् । 

न्युजर्सीका दुई अस्पतालमा कार्यरत डा फ्र्यांक गाबरिन कोभिड–१९ देखिएको केही दिनमै बितेका छन् । 


Advertisement

उनका समलिंगी पति आर्नोल्ड भार्गासले एनजे डट्कमलाई बताएअनुसार, बुधवार घरैमा रहेका गाबरिनलाई सास फेर्न गाह्रो भयो । एम्बुलेन्स बोलाउँदा आइपुग्न आधा घन्टा लगायो । एम्बुलेन्स आइपुग्दासम्म गाबरिनको मृत्यु भइसकेको थियो । 

गाबरिन दुईथरीको क्यान्सरबाट निको भएका व्यक्ति थिए त्यसैले उनमा कोरोनाभाइरसको उच्च जोखिम थियो । तैपनि उनी अस्पतालमा बिरामीको उपचारमा व्यस्त थिए । 


Advertisement

कुनै गुनासो नगरिकन गाबरिनले आफ्नो काम गर्ने गरेको भार्गासले बताए । 

तर अघिल्लो साता गाबरिनलाई रुघाको लक्षण देखियो र त्यो चर्किंदै गयो । 

अस्पतालमा बारम्बार एउटै व्यक्तिगत सुरक्षा उपकरण (पीपीई) प्रयोग गर्न बाध्य भएकाले गाबरिन बिरामी परेको दाबी उनकी एक निकटकी साथीले गरेकी छन् । 

‘उनलाई विभिन्न शिफ्टमा त्यही एउटै मास्क लगाउन बाध्य पारियो त्यसैले उनमा संक्रमण भयो । उनलाई सेल्फ क्वारेन्टाइन गर्नू भनिएको थियो । आज बिहान उनी उठे र सास फेर्न सकेनन् । त्यसो भएको दुई घन्टामा उनी बिते । उनी अस्पतालसम्म पनि पुग्न पाएनन्,’ ती चिकित्सकले ट्विटरमा लेखिन् । 

द डेली मेलबाट

एजेन्सी
एजेन्सी

लेखकबाट थप...

कमेन्ट गर्नुहोस्