काठमाडौँ उपत्यकामा स्थानीय तहले कोरोना भाइरसबाट प्रभावित मजदुर र असाहयलाई राहत वितरण गर्ने निर्णय गरेका छन्।

उपत्यका नगरपालिका फोरमका अध्यक्ष तथा काठमाडौँ महानगरपालिकाका मेयर विद्यासुन्दर शाक्यको अध्यक्षतामा बिहीबार बसेको बैठकले राहत वितरणका लागि चार बुँदे निर्णय गरेको हो।

निर्णय अनुसार आपूर्ति तथा राहत वितरणको व्यवस्थापन स्थानीय तहले गर्ने भएका छन् भने अत्यआवश्यक बस्तुका पसल खोल्न दिने निर्णय गरेको छ। तर, विक्रेता र क्रेताबीचको दूरी १ मिटर कायम गर्नुपर्नेछ।

त्यसैगरी बैठकले असंगति क्षेत्रमा कार्यरत श्रमिक र असाहयलाई राहत दिने निर्णय गरेको छ। जसमा २ जनासम्मको परिवारलाई १५ केजी चामल र ३ जनाभन्दा माथिको परिवारलाई ३० केजी चामल दिइने उल्लेख छ।