कोरोनाभाइरस महाव्याधि फैलिएपछि कोरोना बीयर उत्पादन बन्द गरिएको छ । 

मेक्सिकोमा रहेको कम्पनी ग्रुपो मोडेलोले सरकारको आदेशबमोजिम बीयर उत्पादन बन्द गरेको जानकारी दियो । 

मेक्सिको सरकारले अत्यावश्यक वस्तु बाहेक अन्यको उत्पादन अहिलेका लागि रोक्न आदेश दिएको छ । तर आफ्नो उत्पादनलाई कृषिको दर्जा दिइएमा बीयर बनाइरहने कम्पनीको भनाइ छ । कृषिलाई अत्यावश्यक उत्पादनको श्रेणीमा राखिएको छ । 

ग्रुपो मोडेलोले प्यासिफिको र मोडेलो ब्रान्डका बीयरहरू पनि बनाउने गरेको छ । 

अहिले न्यूनतम मात्रामा बीयर बनाउने अनि प्रतिबन्ध फुकुवा भएपछि फेरि उत्पादन थाल्ने कम्पनीले जानकारी दिएको छ ।