विश्वव्यापी महामारीको रुपमा फैलिएको कोरोना भाइरस (कोभिड १९)का कारण शनिवार सम्म मृतकको संख्या ५९ हजार १ सय ७२ पुगेको छ । मृतकको संख्या शुक्रवार ५३ हजार २ सय २ थियो भने मृतकको संख्या बिहीवार ४७ हजार २ सय ४९ मात्र थियो । 

विश्वमै सबभन्दा धेरै संक्रमित रहेको अमेरिकामा मृतकको संख्या ७ हजार ४ सय २ पुगेको छ । शुक्रवार यो संख्या संख्या ६ हजार ७५ तथा बिहीवार ५ हजार १ सय १० थियो । 

विश्वमा कोरोना संक्रमतिको संख्या शनिवार बिहानसम्म १० लाख ९८ हजार ७ सय ६२ पुगेको छ । शुक्रवार बिहानसम्म यो संख्या १० लाख १५ हजार ७ सय २७ तथा बिहीवार ९ लाख ३६ हजार १ सय ७० थियो । 

शनिवारसम्म २ लाख २८ हजार ९ सय २३ जना निको भएका छन । शुक्रवार यो संख्या २ लाख १२ हजार ९ सय ९१ थियो । 

सबभन्दा धेरै अमेरिकामा २ लाख ७७ हजार ४ सय ७६ जजनालाई कोरोनाको संक्रमण देखिएको छ । कोरोनाको संक्रमण शुरु भएको चीनलाई पछि पार्दै अमेरिका, इटाली, स्पेन र जर्मनीमा संक्रमतिको संख्या बढिरहेको छ ।

इटालीमा १ लाख १९ हजार ८ सय २७ जना संक्रमति देखिएका छन भने स्पेनमा १ लाख १९ हजार १ सय ९९ जना संक्रमित देखिएका छन् । जर्मनीले पनि संक्रमणमा चीनलाई उछिनेको छ । चीनमा ८१ हजार ६ सय ३९ लाई संक्रमण देखा परेको थियो । जर्मनीमा संक्रमतिकको संख्या ९१ हजार १ सय ५९पुगेको छ । 

मृत्यु संख्यामा सबभन्दा धेरै इटालीमा १४ हजार ६ सय १८ पुगेको छ । शुक्रवार यो संख्या १३ हजार ९ सय १५ थियो । दोस्रोमा स्पेनमा मृतकको संख्या ११ हजार १ सय ९८ पुगेको छ ।

बेलायतमा कोरोनाका कारण मृतकको संख्या चीनमा भन्दा बढी भएको छ । चीनमा ३ हजार ३ सय २६ जनाको मृत्यु भएको छ भने बेलायतमा ३ हजार ६ सय ५ जनाको मृत्यु भएको अन्तराष्टिय समाचार संस्थाहरुले जनाएका छन । शुक्रवारसम्म बेलायतमा २ हजार ९ सय २१ जनाको मृत्यु भएको थियो । 

नेपालको दक्षिणी छिमेकी देश भारतमा ७२ जनाको मृत्यु भएको छ । भारतमा २ हजार ५ सय ६७ जनालाई संक्रमण देखिएको छ । भारतमा शुक्रवार एकैदिन १६ जनाको मृत्यु भएको भारतीय संचार माध्यमहरुले जनाएका छन । 

नेपालमा भने १ हजार ३ सय ५६ जनाले स्वास्थ्य परीक्षण गराएका छन् । त्यसमध्ये ६ जनामा पोजेटिभ रिर्पोट देखिएको स्वास्थ्य मन्त्रालयले जनाएको छ । शुक्रवारसम्म गरिएका परीक्षणमा १ हजार ३ सय ५० जनामा संक्रमण नदेखिएको मन्त्रालयले जनाएको छ ।