सरकारका प्रवक्ता, अर्थ एवं सञ्चार प्रविधि तथा सूचनामन्त्री डा युवराज खतिवडाले लकडाउनको विषयमा सरकारले छिट्टै निर्णय गर्ने बताएका छन्।

११ चैतदेखि लागू भएको लकडाउन थपेर २५ गतेसम्म लम्ब्याइएकोमा शनिबार मात्र थप ३ जनामा कोरोनाको संक्रमण देखिएको छ। योसँगै नेपालमा कोरोना संक्रमितको संख्या ९ पुगेको छ। शनिबार साँझ बसेको मन्त्रिपरिषद बैठकले लकडाउन लम्ब्याउन सक्ने आँकलन पनि गरिएको थियो। तर, सोबारे निर्णय भएन।

मन्त्रिपरिषद्का निर्णय सार्वजनिकपछि सञ्चारकर्मीले सोधेको प्रश्नमा खतिवडाले भने, ‘लकडाउनको विषयमा कुनै निर्णय भएको छैन, मन्त्रिपरिषद्को अर्काे बैठकले छिट्टै निर्णय गर्नेछ।’

सम्बन्धित समाचार: लकडाउनमा थप कडाइ: कञ्चनपुर, कैलाली र बागलुङमा र्‍यापिड टेष्ट गर्ने मन्त्रिपरिषदको निर्णय