कात्तिक ३०, २०८०
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
यतिबेला कोभिड– १९ अर्थात् कोरोनाभाइरसका कारण समग्र विश्व व्यवस्था संकटपूर्ण घडीबाट गुज्रिरहेको छ । विश्वका १९० राष्ट्र यतिबेला मानवजीवनको संकटका विरुद्ध जोखिमपूर्ण संघर्षमा छन् । यो स्तम्भ तयार गर्ने बेलासम्म विश्वका झण्डै ६५ हजार मान्छेले यो रोगका कारण जीवन गुमाइसकेका छन् भने झण्डै १२ लाख मान्छेहरूमा यो रोगको संक्रमण फैलिसकेको छ र ३ लाख मान्छेहरू उपचारपश्चात् निको भएका छन् । यसले गर्दा सारा विश्व यो महामारीविरुद्ध निकै कठिन र चुनौतीपूर्ण लडाईंमा सहभागी भएको छ ।
चीनबाट शुरू भएको यो भाइरस आजको दिनसम्म आइपुग्दा संसारभर विनाशकारी आँधी-तुफान को रूपमा विकास भइरहेको छ । सारा विश्व यतिबेला झण्डै लकडाउनको स्थितिबाट गुज्रिरहेको छ । सम्पूर्ण मानव जीवन अस्तव्यस्त भएको छ । सबैखाले आर्थिक राजनीतिक र सांस्कृतिक कार्यक्रमहरू ठप्प भएका छन् । उद्योगधन्दा कलकारखाना सबै पूर्णतः बन्द अवस्थामा पुगेका छन् । यस्तो अवस्थामा पनि संक्रमण दिनप्रतिदिन व्यापक बन्दै गइरहेको छ । सबैखाले सुरक्षाका पर्खालहरू तोड्दै यो रोग विश्वव्यापी महामारीको रूपमा विकसित भएको छ ।
यो रोग देखा पर्नासाथ चीनले जुन विधि अवलम्बन गर्यो सारा विश्वले त्यसलाई आलोचनाको विषय बनायो । चीनको वुहान शहरलाई लकडाउन गरेर चीनले जुन नियन्त्रणको विधि अवलम्बन गर्यो, त्यसबाट उसले सफलता हासिल गर्यो । तर यसलाई गम्भीरतापूर्वक लिने र सावधानी अपनाउने कुरामा अन्य राष्ट्रहरू चुके । जसका कारण रोगको फैलावट व्यापक बन्यो । जनजीवन अस्तव्यस्त बन्यो र संसारभर मानव मृत्युदर बढेर गयो । अझ गम्भीर कुरा के भने संक्रमितहरूको उपचारमा संलग्न चिकित्सक र स्वास्थ्यकर्मीकै यो रोगको कारण निधन हुनपुग्यो ।
आज अन्तर्राष्ट्रिय राजनीतिक जगतमा धेरै बहसहरूले महत्त्व पाइरहेका छन् । कोभिड– १९ अर्थात् कोरोना भाइरसका विरुद्धको लडाईं मानवजातिकालागि प्रथम र दोस्रो विश्वयुद्ध यताको सबैभन्दा ठूलो चुनौतिको रूपमा देखापरेको छ । प्रकृति विरुद्धको लडाईं जस्तो देखिएपनि मानवीय क्षतिका दृष्टिले यो लडाइँ मानवजातिका लागि निकै ठूलो मूल्य चुक्ता गर्नुपर्ने स्थिति छ । प्रथम विश्व युद्धपछि विश्व राजनीतिमा नयाँ शक्ति सन्तुलन देखा पर्यो । कमजोर र उत्पीडित राष्ट्रहरूमा मानव नरसंहार मच्चाएको जर्मन साम्राज्यवादको पतन प्रथम विश्वयुद्ध समाप्तिसँगै भयो ।
दोस्रो विश्वयुद्धको समाप्तिसँगै विश्व शक्तिको रूपमा उदाएका ब्रिटिस र जापनिज साम्राज्यको पनि अवशान भयो । यसले के देखाउँछ भने विश्वमा उत्पन्न नयाँ–नयाँ संकटले तत्कालीन महाशक्ति राष्ट्रको प्रभाव समाप्त हुने र नयाँ शक्तिको उदय हुने ऐतिहासिक परम्पराबाट यो शताब्दी पनि अलग हुने छैन । अझै रोचक इतिहास के छ भने नेपोलियन बोनापार्टको विश्व जित्ने अभियान सन् १८०१ मा 'यलो फिबर' महामारीको कारण हैटीमा आफ्ना ४७ हजार सेनाको मृत्यु भएपछि समाप्त भएको थियो । सन् १८८८- १८९६ सम्म देखापरेको 'यनिमल प्लेग' महामारी पछि यूरोपियन राष्ट्रले अफ्रिकामाथि उपनिवेश कायम गरे ।
यिनै ऐतिहासिक तथ्यहरूका आधारमा भन्न सकिन्छ कि यो महामारीपश्चात विश्वको शक्ति सन्तुलन नयाँ ठाउँमा प्रवेश गर्नेछ । विश्व अर्थतन्त्रमाथि नियन्त्रण गर्न विकास गरेका सम्पूर्ण साम्राज्यवादी हत्कण्डाहरू असफल भएका छन् । संसारभरि आफ्नो साम्राज्य विस्तार गर्न विकास गरेका आणविक हतियार र मिसाइल निस्काम सावित भएका छन् । सूचनाप्रविधिमाथि नियन्त्रण, बहुराष्ट्रिय कम्पनी र वित्तीय पूँजीद्वारा विश्व व्यवस्थामाथिको नियन्त्रण साथै विश्वस्तरमै रणनीतिक महत्त्वका ठाउँहरूमा आफ्नो सैन्य उपस्थिति कायम गरेको अमेरिकी साम्राज्यवाद विश्व महामारीले उत्पन्न गरेको यो संकटसँगै ढल्ने स्पष्ट संकेत देखापरेको छ ।
मानव जगतको यो संकटको बेलामा आफ्नो शासन प्रणाली र जनताप्रतिको उत्तरदायित्व नयाँ ध्रुवरूपमा उदाएका चीन र रुसजस्ता देशहरूले कुशलतापूर्वक पूरा गरेका छन् । त्यसैगरी ल्याटिन अमेरिकी मुलुकहरूले पनि आफ्ना जनताको सुरक्षासँगै विश्वभरीका संकटग्रस्त मुलुकहरूमा आफ्नो सेवा प्रवाह गरिरहेका छन् । महामारीको यो चुनौती ती देशहरूले सामना गरेर आज महामारीले आक्रान्त भएका मुलुकहरूमा आफ्ना सहयोग केन्द्रित गरेका छन् ।
केबल पूँजी र हतियारको बलमा होइन मानवीय जीवनका कठिनतम घडीमा आफ्नो श्रेष्ठता संसारसामु प्रस्तुत गरेर चीन, रसिया लगायतका देशले यतिबेलाको विश्वमा आफ्नो नयाँ ध्रुवलाई श्रेष्ठ सावित गरेका छन् ।
यो महामारी नियन्त्रण गर्न विश्वस्तरमा जुन प्रयत्नहरू भइरहेका छन् तिनले छिट्टै नै नयाँ सफलता हासिल हुने निश्चित छ । यो संकटको घडीमा जुन किसिमका अन्तर्राष्ट्रिय गतिविधिहरू सतहमा देखा परेका छन् यसले विश्वलाई नयाँ किसिमको ध्रुवीकरणतर्फ अघि बढाउने निश्चित छ । स्पष्टरूपमा भन्दा युरोपियन युनियनको विघटनसँगै अमेरिकी साम्राज्यवाद निकट भविष्यमा विश्वस्तरबाटै समाप्तिको बाटोमा पुग्ने लगभग निश्चित छ ।
यसरी विश्वको नयाँ ध्रुवीकरणसँगै नेपाललगायतका विकासोन्मुख कैयौं देशहरूमा नयाँ राजनीतिक प्रणालीको बहसले नयाँ शासन प्रणालीको रूप लिने सम्भावना प्रबल छ । यति कुरा स्पष्टसँग भन्न सकिन्छ कि यो संकट र महामारीपश्चात विश्वको शक्ति केन्द्र एसियामा सर्ने निश्चित छ ।
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...
नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...