कोरोनाभाइरस महाव्याधिले अहिलेसम्मकै सबभन्दा खराब आर्थिक मन्दी ल्याउने चेतावनी

कोरोनाभाइरस महाव्याधिका कारण हाम्रो जीवनकालको सबभन्दा खराब आर्थिक मन्दी आउने र विश्व व्यापार एक तिहाइले घट्ने विश्व व्यापार संगठनले बुधवार चेतावनी दिएको छ । 

‘विश्व व्यापार सन् २०२० मा १३ देखि ३२ प्रतिशतले गिर्ने अपेक्षा गरिएको छ किनकि कोभिड–१९ महाव्याधिले संसारभरिको सामान्य आर्थिक गतिविधि र जीवनमा अवरोध ल्याएको छ,’ विश्व व्यापार संगठनले बयानमा लेखेको छ । 
यस अभूतपूर्व स्वास्थ्य संकटले व्यापारमा कसरी क्षति गर्छ भन्ने विषयमा विभिन्न सम्भावनाहरू रहेको संगठनको भनाइ छ । 


Advertisement

विश्व व्यापार संगठनका प्रमुख रोबर्टो अजेभेदोले व्यापार तथा उत्पादनमा आउने ह्रासले व्यक्ति तथा व्यापारिक प्रतिष्ठान दुवैका लागि पीडादायी परिणाम दिने बताए । अहिले रोगका कारण मानिसले दुःख पाएको र आर्थिक क्षतिले थप दुःख थप्ने उनको भनाइ छ ।

आफ्नो वार्षिक प्रक्षेपणमा १६४ सदस्यीय विश्व व्यापार संगठनले सन् २०१९ मा नै व्यापार घट्दो अवस्थामा रहेको इंगित गरेको छ । 


Advertisement

व्यापारयुद्ध तथा ब्रेक्जिटको अनिश्चितताका कारण वैश्विक व्यापार पहिले नै चोटग्रस्त रहेको र अब भाइरसका कारण व्यापारको भोलुममा दोहोरो अंकको कमी आउने अपेक्षा गरिएको संगठनले जनाएको छ ।
 

एजेन्सी
एजेन्सी

लेखकबाट थप...

कमेन्ट गर्नुहोस्