सुदूरपश्चिम सरकारले राहतको लागि स्थानीय तहलाई पठायो १६ करोड

लखन चाैधरी
लखन चाैधरी

लखन चौधरी लोकान्तरका लागि सुदूरपश्चिम प्रदेश प्रतिनिधि हुन् । 

सुदूरपश्चिम प्रदेश सरकारले घोषित राहत रकम वितरणको लागि स्थानीय तहलाई रकम पठाएको छ ।

गरीब, असहाय र विपन्नलाई प्रतिपरिवार ३ हजार रुपैयाँका दरले राहत दिने भनी घोषणा गरेअनुसार प्रदेश सरकारले प्रदेशस्थित सबै स्थानीय तहलाई १६ करोड बजेट पठाएको आन्तरिक मामिला तथा कानून मन्त्रालयले जनाएको छ ।


Advertisement

मन्त्रालयका सचिव कृष्णबहादुर राउतले राहत वितरणको मापदण्ड अनुसार वितरणको लागि रकम निकासा गरिसकेको जानकारी दिँदै लकडाउनको अवधिभित्रै स्थानीय तहमार्फत वितरण हुने बताए । प्रदेश सरकारको चैत २७ गते बसेको मन्त्रिपरिषद् बैठकबाट राहत दिने निर्णय गरेको थियो ।

मापदण्ड अनुसार यसअघि राहत प्राप्त गरिसकेका नदोहोरिने गरी वितरण गरिने भएको छ । प्रतिपरिवार ३० किलो चामल, ३ किलो दाल, २ प्याकेट नून, २ लिटर खानेतेल, ४ वटा साबुन र २ किला चिनी वितरण गरिने भएको छ ।

प्रदेश सरकारबाट निकासा रकम प्राप्त भएपछि स्थानीय राहत वितरणको तयारीमा लागेका छन् । यसघि पनि विभिन्न निकायद्वारा सहयोगार्थ राहत वितरण गरिसकेको बताउँदै कैलारी गाउँपालिकाका प्रमुख प्रशासकीय अधिकृत खगेन्द्रराज जोशीले पुनः केही दिनभित्रै वितरण गरिने जानकारी दिए तर कैलाली गाउँपालिकामा गरीब, असहाय र विपन्नको अनुपातमा रकम निकासा कम आएको उनको भनाइ थियो । कैलारी गाउँपालिकालाई २४ लाख रकम प्राप्त भएको छ ।

धनगढी उपमहानगरपालिकाका प्रमुख प्रशासकीय अधिकृत नारायणप्रसाद सापकोटाले यसअघि २० लाख बराबरको राहत वितरण गरिसकेको बताउँदै पुनः वडा कार्यालयमार्फत राहत वितरणको तयारीमा रहेको जानकारी दिए ।

कोरोना भाइरस (कोभिड– १९) को महामारी फैलिएपछि प्रदेश सरकारले राहत प्याकेज घोषणा गरेको थियो ।

लखन चाैधरी
लखन चाैधरी

लेखकबाट थप...

कमेन्ट गर्नुहोस्