एनआईसी एशिया बैंकले कोरोना भाइरसको संक्रमण रोकथाम तथा नियन्त्रणका लागि सातै प्रदेश सरकारलाई १५/१५ लाख गरी १ करोड ५ लाख रकम सहयोग गरेको छ। 

बैंकले सामाजिक उत्तरदायित्व अन्तर्गत सातवटै प्रदेशको कोरोना भाइरस संक्रमण रोकथाम, नियन्त्रण तथा उपचार कोषमा रकम जम्मा गरेको हो। उक्त रकममा बैंकको तर्फबाट १० लाख र कर्मचारीको तर्फबाट ५ लाख समावेश गरी १५ लाखका दरले प्रत्येक प्रदेश सरकारलाई सहयोग गरिएको एनआईसी एशियाले बिहीबार विज्ञप्तिमार्फत जनाएको छ। 

एनआईसी एशिया बैंकले प्रादेशिक र स्थानीय सरकारको सहकार्यमा ४५ लाख ६८ हजार बराबरको चामल, तेल, नुन, दाल लगायतका खाद्यान्न सामग्री यसअघि वितरण गरिसकेको जनाएको छ।