अर्थमन्त्री समेत रहेका सरकारका प्रवक्ता डा युवराज खतिवडाले कोरोना भाइरसका कारण अर्थतन्त्रमा परेको असरलाई न्यूनीकरण गरेर पूर्ववत् हालतमा फर्काउन  ‘रिकभरी’को योजना बनिरहेको बताएका छन्। 

मुलुकमा ११ चैतदेखि लकडाउन लागू हुँदा आर्थिक गतिविधि ठप्प भएको, व्यापार व्यवसाय प्रभावित भएको छ।

नेपाल चेम्बर अफ कमर्सका पदाधिकारीसँगको उनले भने, ‘सरकारले रिकभरीको योजना बनाउन थालेको छ । ‘विजनेस रिकभरी’का लागि  प्रतिबद्धता भएको लगानी छिटो ल्याउने, नयाँ लगानीका लागि छिटो स्वीकृति दिने लगानी कार्यान्वयनमा देखिएका समस्या छिटो कार्यान्वयन गर्ने र पैसा बढी परिचालित हुने स्थिति सिर्जना गरी अनुत्पादन खर्चलाई कम गर्छौं ।’

 सरकारको कोष त्यति सहज अवस्थामा नभएको स्पष्ट पार्दै उनले राजश्वको वृद्धि लक्ष्यको तुलनामा निकै कम भएकाले आन्तरिक स्रोत परिचालन गर्नुपर्नेमा जोड दिए।