स्मार्टपालिकाले बनायो क्वारेन्टाइन व्यवस्थापन प्रणाली, सबै पालिकालाई निःशुल्क हस्तान्तरण

स्थानीय तहलाई डिजिटल रुपान्तरण गर्ने उद्देश्य बोकेको स्मार्टपालिकाले नेपालका ७५३ वटै स्थानीय सरकारका निम्ति कोभिड लाइभ ट्रयाकिङ तथा क्वारेन्टाइन व्यवस्थापन प्रणाली बनाएको छ ।


Advertisement

यस प्रणाली अन्तर्गत हाल क्वारेन्टाइन, लाइभ ट्रयाकिङ, आइसोलेसन, दैनिक रिपोर्ट, स्वयं परीक्षा लगायत अन्य मोड्युलहरू मोबाइल एप्स तथा वेब सिस्टममा उपलब्ध छन् ।


Advertisement

विकास साझेदारहरूको सहयोगमा ‘कन्ट्रयाक्ट ट्रेसिङ’ लगायत अन्य मोड्युलहरूको निरन्तर विकास र कार्यान्वयन गरिँदै लगिएको कम्पनीले जनाएको छ । 

प्रणालीमा हेल्थ कोअर्डिनेटर, स्थानीय प्रतिनिधि तथा जिल्ला प्रशासन कार्यालयले आफ्नो मातहतको काम गर्न तथा रिपोर्ट निकाल्न सक्छन् भने सर्वसाधारणले स्वयं परीक्षा लिने, आफ्नो दैनिक रिपोर्ट बुझाउने तथा आधिकारिक रिपोर्ट हेर्ने गर्न जनाइएको छ ।


Advertisement

स्मार्टपालिकाका प्रमुख कार्यकारी अधिकृत (सीईओ) मनोज भट्टराईले भने, ‘हामी विगत ११ वर्षदेखि देशविदेशमा भएका प्राकृतिक प्रकोप व्यवस्थापनका निम्ति प्रणाली विकास गरिरहेका छौं । विपद् व्यवस्थापनमा स्थानीय सरकारहरूले उल्लेखनीय योगदान गर्नुभएकै छ, कोभिड १९ नियन्त्रणमा प्रविधिको उत्कृष्ट प्रयोग गर्ने बारेमा हामी उहाँहरूलाई सहयोग गर्नेछौं । हामीले तयार गरेका प्रणाली हस्तान्तरण गरी संसारमै एउटा अमूल्य उदाहरणको प्रस्तुति दिन चाहन्छौं । यस प्रणालीलाई भविष्यमा स्थानीय तहको पूर्ण प्रकोप नियन्त्रण प्रणालीका रुपमा विकास गर्दै लान सकिने छ ।’

स्मार्टपालिका र सेलएप इनोभेसन्सको संयुक्त प्रयासमा प्रणाली विकास गरिएको छ । प्रणाली हाल भरतपुर महानगर, वीरगञ्ज महानगर, धुलिखेल नगरपालिका लगायत करीब ६० स्थानीय तहमा प्रयोगमा आएको छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्