भारतमा कोरोना भाइरस संक्रमितको संख्या २१ हजार ७ सय पुगेको छ। भारतीय स्वास्थ्य मन्त्रालयका अनुसार मृतकको संख्या ६ सय ८६ पुगेको छ।

संक्रमितमध्ये ४ हजार ३ सय २५ जना उपचारपछि निको भएर घर फर्किएका छन्। पछिल्लो २४ घन्टामा मात्र संक्रमितको संख्या १ हजार २ सय २९ पुगेको छ। यो अवधिमा थप ३४ जनाले ज्यान गुमाएका छन्।

सबैभन्दा बढी प्रभावित राज्य महाराष्ट्र हो। त्यहाँ संक्रमितको संख्या ५ हजार ६ सय ५२ पुगेका छन्। २ सय ६९ जनाको ज्यान गएको छ।