×

NMB BANK
NIC ASIA

सचिवालयमा नेकपाको परीक्षा : ओली र इतर समूहको ‘पोजिसन’ के ?

समस्याको समाधान भनेकै ओलीले अध्यक्ष र प्रधानमन्त्री छाड्नु हो - खनाल

बैशाख १७, २०७७

NTC
Sarbottam
फाइल फोटो
Premier Steels
Marvel

सत्तारूढ दल नेपाल कम्युनिस्ट पार्टी (नेकपा)भित्र देखिएको ‘पावर सेयरिङ’को विवाद उत्कर्षमा पुगेका बेला अध्यक्षद्वय केपी शर्मा ओली, पुष्पकमल दाहाल ‘प्रचण्ड’ र वरिष्ठ नेता माधवकुमार नेपालपक्षले आ-आफ्नो गूटगत भेला तीव्र पारेका छन् ।

Sagarmatha Cement
Muktinath Bank

बुधवार साँझ ५ बजे बस्ने भनिएको सचिवालय बैठकमा आ-आफ्नो पोजिसन बलियो बनाएर प्रस्तुत हुने तयारीमा नेताहरू देखिन्छन् ।


Advertisment
RMC TANSEN
IME BANK INNEWS
shivam ISLAND

प्रधानमन्त्री ओलीले बुधवार बिहान आफूनिकट सांसदहरूलाई बालुवाटारमा बोलाएर छलफल गरे । छलफलमा ‘जे पनि हुन सक्ने’ भन्दै आफ्ना सांसदहरूलाई तयारी अवस्थामा बस्न भनेका छन् ।


Advertisment
Nabil box
Kumari

‘हामीलाई सबै हिसाबले तयार रहन प्रधानमन्त्रीज्यूले आग्रह गर्नुभएको छ,’ छलफलमा सहभागी एक सांसदले भने ।

Vianet communication
Laxmi Bank

पढ्नुहोस् यो पनि - ओलीका ३ रणनीति : सकेसम्म गलाउने, नसके अन्य २ विकल्प !

पार्टी विभाजनका लागि पनि तयार रहनु भन्ने अर्थ बुझ्न सकिन्छ भन्ने प्रश्नमा उनको जवाफ थियो, ‘विभाजन होइन, पार्टी एक भएर अघि जान जे पनि गर्नुपर्ने हुन सक्छ भन्ने उहाँको आशय हो । गलत अर्थमा नबुझौँ ।’

प्रधानमन्त्री ओलीले संसदीय दलमा बहुमत सिद्ध गरेर आफू शक्तिशाली नै रहेको पुष्टि गर्ने दिशामा कदम चालिरहेका छन् । उनलाई संसदीय दलमा बहुमत पुर्‍याउन करीब एक दर्जन सांसद अपुग हुन्छ ।

ओलीले आफ्ना नजिकका विश्वास पात्रहरूलाई छलफलमा सहभागी गराएर पूर्वमाओवादी र वरिष्ठ नेता नेपाल पक्षमा रहेका सांसदहरूसँग कुराकानी थालेको बुझिएको छ ।

सांसद महेश बस्नेतले धेरैसँग कुराकानी भइरहेको पुष्टि गरे ।

‘यो सरकारको विकल्प छैन भन्ने सांसदहरूको बहुमत मात्र होइन, त्यो भन्दा पनि धेरै छ,’ बस्नेतले लोकान्तरसँग भने, ‘प्रधानमन्त्रीको पोजिसन अध्यक्ष र प्रधानमन्त्रीबाहेक सबैमा छलफल गर्न सकिन्छ भन्ने हो ।’

बालुवाटारले आफ्नो ‘पोजिसन’ स्पष्ट गरेपछि अर्का अध्यक्ष प्रचण्ड, वरिष्ठ नेताद्वय खनाल र नेपाल र उपाध्यक्ष वामदेव गौतम पनि ओलीलाई सत्ताच्यूत गराउने एकसूत्रीय एजेण्डाका साथ अघि बढिरहेका छन् । चार जना नेताबीच निरन्तर छलफल भइरहेको नेपालपक्षीय एक नेताले बताए ।

पढ्नुहोस् यो पनि - ओलीको प्रस्ताव नेपाल पक्षद्वारा अस्वीकार, विनाशर्त सचिवालय र स्थायी कमिटी बोलाउन सुझाव

उनले चारै नेता एकमतका साथ सचिवालयमा प्रस्तुत हुने तयारी गरेको जानकारी दिए ।

अध्यक्ष प्रचण्ड र नेता नेपालबीच कस्तो खाले समझदारी बनेको छ भन्ने प्रश्नमा उनले भने, ‘एकमतका साथ अघि बढ्ने समझदारी हो । वरिष्ठ नेता नेपाल र प्रचण्ड मात्र होइन, झलनाथ खनाल र वामदेव गौतम सबै एउटै एजेण्डाका साथ बैठकमा प्रस्तुत हुनुहुनेछ ।’

पूर्वएमालेमा उपाध्यक्ष रहिसकेका स्थायी कमिटी सदस्य युवराज ज्ञवालीले शीर्ष नेताहरूबीच समझदारी भइसकेको अवस्थामा गुटगत भेला अनावश्यक रहेको बताए ।

‘नेताहरूबीच कुराकानी भइरहेको छ, हामीले उहाँहरूलाई पार्टी विधान र विधिसम्मत चल्नुपर्छ भनेर भनिरहेका छौं । यस्तो अवस्थामा समूहगत भेला जरुरी छैन । शीर्ष नेताहरूले आवश्यकता अनुसार आफ्नो पोजिसन लिएर सचिवालय बैठक फेस गर्नुहुन्छ ।’

प्रचण्ड-नेपाल पक्षीय नेताहरूले ओलीले प्रधानमन्त्री र अध्यक्ष दुवै छोड्नुपर्ने बताउने गरेका छन् ।

पार्टी वरिष्ठ नेता झलनाथ खनालले पनि ओलीले प्रधानमन्त्री र अध्यक्ष दुवै छाडेमात्र मान्य हुने बताएका छन् ।

खनालले लोकान्तरसँग भने, ‘समस्याको समाधान भनेकै ओलीले अध्यक्ष र प्रधानमन्त्री छाड्नु हो ।’

यसका लागि ओलीइतरका नेताहरूबीच समझदारी भइसकेको उनले दाबी गरे ।

पछिल्लो समय नेपाल र प्रचण्डबीच ‘पोजिसन’ लिने विषयमा केही नमिलेका समाचारहरू सार्वजनिक भएका छन् ।

पढ्नुहोस् यो पनि - प्रचण्ड, नेपाल, खनाल र गौतमको 'एक मत' : ओलीको चारोमा नफस्ने !

नेता नेपालले अध्यक्ष पाए सम्झौता गर्न सक्ने चर्चा पनि चलेको थियो, तर नेपालपक्षीय नेताहरूले उक्त चर्चाको खण्डन गरेका छन् ।

‘दुई शीर्ष नेताहरू एकठाउँमा हुनुहुन्छ, जे हुन्छ समझदारीमा हुन्छ,’ नेपालपक्षीय एक स्थायी कमिटी सदस्यले भने ।

मंगलवार नै बस्ने भनिएको सचिवालय बैठक बुधवारलाई राख्न अध्यक्षद्वय सहमत भएका थिए ।

मंगवार अपराह्न बालुवाटार पुगेका अध्यक्ष प्रचण्डले जसरी भए पनि बैठक डाकेर सबै समस्याको समाधान बैठकबाटै हल गर्नुपर्ने बताएका थिए ।

ओलीले भने पार्टीभित्रको विवाद शीर्ष नेताहरूको बीचमा छलफल गरेर केही मत्थर पार्ने र त्यसपछि बैठक बोलाउने आशय राखेपनि प्रचण्डले स्वीकार नगरेको स्रोतले बतायो ।

ओलीसँग भेट हुनुअघि प्रचण्ड कोटेश्वर पुगेका थिए । कोटेश्वरमा नेता नेपालसँग भएको छलफलमा कुनै हालतमा पछि नहट्ने समझदारी भएको बताइन्छ ।

‘ओलीले बैठक बोलाएर आफूविरुद्धमा उठेका तमाम प्रश्नहरूको चित्तबुझ्दो जवाफ दिनुपर्छ, मेरो यही अडान हो,’ नेता नेपालले प्रचण्डसँगको भेटघाटमा भनेका थिए ।

सचिवालय बैठकमा छलफलका एजेण्डाहरू के–के हुन्छन् भन्ने विषयमा अहिलेसम्म औपचारिक जानकारी बाहिर आएका छैनन् । तर प्रचण्ड, खनाल, नेपाल र गौतमले अहिलेसम्म ओलीले गरेको एकलौटीको संयुक्त हिसाबकिताब माग्ने तयारी गरेका छन् ।

ओलीले चित्तबुझ्दो जवाफ नदिए चारैजना नेताहरूले संयुक्त रूपमा अध्यक्ष र प्रधानमन्त्री दुवै पदबाट राजीनामा माग्ने तयारी गरेका छन् ।

hAMROPATRO BELOW NEWS
TATA Below
मंसिर १९, २०८०

कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...

माघ १८, २०८०

चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...

मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

पुस ६, २०८०

एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...

चैत १, २०८०

सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...

माघ २, २०८०

आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x