भारतमा लकडाउनका कारण काम गर्न नपाएपछि टीभी कलाकारले गरे आत्महत्या

भारतका टीभी कलाकार मनमीत ग्रेवालले आत्महत्या गरेपछि उनका नातेदार र साथीभाइ स्तब्ध भएका छन् । बेरोजगारी र ऋणका कारण संघर्ष गरिरहेका ग्रेवालले शुक्रवार आत्महत्या गरेका हुन् । 

उनका साथी मनजितले द टाइम्स अफ इन्डियासँग कुरा गर्दै आफूहरू परिवार जस्तो भएको र मनमीतसँग बिहीवार साँझ कुरा गरेका बताए । 


Advertisement

‘हामीहरू दाजुभाइ जस्ता थियौं र म उनको विवाहमा पनि गएको थिएँ । हामी विगत ६ वर्षदेखि साथी छौं र उनी साथी मात्र नभई परिवारको सदस्य जस्तै थिए,’ मनजितले भने । ‘मैले उनीसँग बिहीवार अपराह्न ५ बजे कुरा गरेको थिएँ । उनी ठीकै छन् जस्तो लागेको थियो । चिन्तित जस्तो सुनिएका थिएनन् । उनी मसँग सबै पीरव्यथा बाँड्ने गर्थे ।’

मनजितले कोरोनाभाइरस लकडाउनका कारण कामको अवसरको गुमेको विषयमा आफूहरूले कुरा गरेको चाहिँ स्वीकार गरे । पैसाको अभाव हुन थालेको उनले बताएका थिए । 


Advertisement

मनमीतका अर्का नजिकैका साथीले पनि त्यसको चार दिनअघि आत्महत्या गरेको मनजितले बताए । ‘ती साथी पनि ऋणमा डुबेका थिए । मनमीत र उनी विदेश गएर आएका थिए र त्यसक्रममा ऋणको भारी बोकेका थिए ।’

मनमीतले छतको पंखामा झुण्डिएर आत्महत्या गरेका हुन् । उनी कोरोनाभाइरस पोजिटिभ छन् कि भन्ने डरले कसैले पनि उनको मृत शरीरलाई झार्न मानेनन् । 

मनजितले भने, ‘सबैजना भिडियो बनाउनै व्यस्त थिए ।’

मनमीत 'आदत से मजबूर' र 'कुलदीपक' जस्ता टीभी सिरियलमा देखापरेका थिए । उनको विवाह दुई वर्षअघि भएको थियो ।

केही समयअघि मात्र अर्का टीभी कलाकार कुशल पञ्जाबी र सेजल शर्माले पनि आत्महत्या गरेका थिए । 
 

एजेन्सी
एजेन्सी

लेखकबाट थप...

कमेन्ट गर्नुहोस्