हेलिकप्टरबाट हाम्फालेर स्टन्ट गर्ने महिलाको मृत्यु (भिडियो)

चीनमा विंगसुट लगाएर उडिरहेको हेलिकप्टरबाट हाम्फालेकी महिलाको मृत्यु भएको छ । स्टन्ट गर्ने क्रममा उनी ८ हजार २०२ फीटमाथिबाट हाम्फालेकी थिइन् । 

उनको क्यामराम्यानले बेस्सरी हात हल्लाएर उनलाई सही दिशाबाट भट्कियौ भनी बताउन खोजेको भिडियोमा देखिन्छ । 


Advertisement

बेइजिङबाट दक्षिणी चीनको तियानमेन राष्ट्रिय निकुञ्ज पुगेकी ती महिलाको मृत शरीर घना जंगलमा फेला परेको छ । उनी सात दिनपछि सोमवार त्यहाँ फेला परेकी हुन् । 

उनी रुखहरूमा बजारिएको र उनको प्यारासुट नखुलेको विश्वास गरिएको छ । 


Advertisement

उनी र क्यामराम्यान २५ सय मिटर उचाइबाट मे १२ मा बिहान ११ बजेतिर हाम्फालेका थिए । 

निश्चित रूटबाट भट्किएर रुखहरू भएको ठाउँतिर उनी जान थालेपछि उनका साथीले हात हल्लाएको देखिन्छ । 

क्यामराम्यानले उनलाई प्यारासुट खोल्नका लागि संकेत गरेको तर उनी तय गरिएको बाटोबाट भट्किएर अलप भएको बताइएको छ । 

स्थानीय अधिकारीहरूका अनुसार, हेलिकप्टर, ड्रोन र व्यापक खोजी टोलीलाई ती महिला खोज्नका लागि पहाडहरूमा पठाइएको थियो । 

स्थानीय गाउँलेहरूले उनको शरीर घना जंगलमा फेला पारेका हुन् । 

उनी महिलाको एक्सट्रिम स्पोर्ट्ससम्बन्धी सानो वृत्तचित्रमा भाग लिइरहेको बेलामा हराएकी थिइन् । 

अधिकारीहरूका अनुसार, दुर्घटनाको समयमा उनले जीपीएस सहितको सामग्री बोकेकी थिइनन् । 

अधिकारीहरूले के भएको थियो भन्ने थाहा पाउन उनको हेल्मेटमा रहेको क्यामराको फूटेज अध्ययन गरिरहेका छन् । 

एजेन्सी
एजेन्सी

लेखकबाट थप...

कमेन्ट गर्नुहोस्