मंगलबार काठमाडौँ उपत्यकासहित मुलुकका विभिन्न क्षेत्रमा वर्षा भएको छ।

जल तथा मौसम विज्ञान विभागका अनुसार निम्न चापीय प्रणाली र स्थानीय वायुको प्रभावले वर्षा भएको हो।

मंगलबार साँझ पोखरा, तनहु , धदिङ, नुवाकोट , काठमाडौँ उपत्यका लगायत आसपासका स्थानमा हावाहुरी चलेको थियो। भने तीमध्ये केही स्थानमा वर्षा भएको थियो।
यो क्रम विस्तारै पूर्वतिर सरिरहेको छ।

महाशाखाका अनुसार अहिले नेपालको पूर्वी भूभाग नजिकै निम्न चापीय प्रणाली रहेको छ। साथै स्थानीय वायुको पनि प्रभाव  रहेको छ।

फलतः मेघ गर्जन, चट्टयाङ र हावाहुरीसहित वर्षा गराउने प्रणाली  पूर्वी भूभागमा सक्रिय रहेको महाशाखाले जनाएको छ।

हाल  देशको पूर्वी  तथा  मध्यपहाडी  भूभागमा सामान्य बदली रही थोरै स्थानमा वर्षा भैरहेको जनाइएको छ। साथै पश्चिमी पहाडी  भूभागमा आंशिक बदली रही बाँकी भूभागमा मौसम सामान्यतया सफा रहेको महाशाखाले जनाएको छ।