दोक्लममा तर्सिएको भारतले चिनियाँ दूतको शान्ति सन्देशमा गर्‍यो आशंका

भारत र चीनबीच लद्दाखको सीमामा भइरहेको तनावको बीचमा भारतका लागि चीनका राजदूत सुन वेडाङले सीमामा कुनै समस्या नरहेको बयान बुधवार दिएको भए पनि भारतका शीर्ष अधिकारीहरूले त्यसलाई शंकाको दृष्टिले हेरेका छन् । 

भारतका रक्षा सूत्रहरूले सीमाको धरातलीय यथार्थमा परिवर्तन नआउन्जेल चीनको बयानलाई ध्यान दिनु नपर्ने बताएका छन् । 


Advertisement

भारतीय सेनाका शीर्ष अधिकारीहरू अपरेसनल (सैन्य कारवाही) को तयारीमा खटिएका छन् । सुरक्षा सूत्रहरूका अनुसार, चिनियाँ सुरक्षाबल निःशर्त लद्दाखका संवेदनशील क्षेत्रबाट नहटेसम्म यस्ता बयान निरर्थक छन् । 

भारत र चीन एकअर्काका लागि खतरा नभएको र द्विपक्षीय सहयोगमा दुई देशको मतभेदको छायाँ पर्नु नहुने राजदूत सुनको भनाइ थियो । 


Advertisement

वास्तविक नियन्त्रण रेखाको पांगोङ त्सो, डेमचोक र गालवान उपत्यका क्षेत्रमा लगभग १२ सयदेखि १५ सय चिनियाँ सैनिक तैनाथ छन् र भारतीय सैनिकसँग आमनेसामनेको स्थितिमा छन् । चीनले विवादित क्षेत्रमा सैीनक संख्या थपेर लगभग ५ हजार पुर्‍याएको छ । 

भारतले पनि उक्त क्षेत्रका सैनिक संख्या बढाएको छ । 

एक महिनादेखि चलिरहेको विवाद अनेकौं चरणको बैठकपछि पनि हल भएको छैन । 

सन् २०१७ को जुनदेखि अगस्ट महिनासम्म दोक्लममा भारतीय र चिनियाँ सैनिकहरूको आमनेसामनेको स्थिति थियो । त्यसलाई कूटनीतिक वार्तामार्फत हल गरिएको थियो । 

तर चीनले त्यहाँ स्थायी रूपमा सैनिकहरू तैनाथ गरेको छ र सैन्य संरचना बनाएको छ । उत्तरी दोक्लममा उसले हेलिप्याड बनाएको छ । अहिले त झन् भारतले आफ्नो नियन्त्रण भनिरहेको क्षेत्रमा तनावको स्थिति छ त्यसैले भारत चिन्तित छ । 

भारतका आर्मी कमान्डरहरूले यस विषयमा बैठक गरिरहेका छन् । सेनाप्रमुख मनोज मुकुन्द नरवणेको अध्यक्षतामा बसेको बैठकमा सैन्य कारवाहीको स्थिति र चुनौतीका विषयमा चर्चा भइरहेको छ । 

नवभारत टाइम्सबाट

एजेन्सी
एजेन्सी

लेखकबाट थप...

कमेन्ट गर्नुहोस्