सरकारले आगामी आर्थिक वर्षका लागि कूल १४ खर्ब ७४ अर्ब ६४ करोड रुपैयाँको बजेट विनियोजन गरेको छ ।

संघीय संसदको संयुक्त बैठकमा आय तथा व्ययको विनियोजन विधेयक (बजेट) प्रस्तुत गर्दै अर्थमन्त्री डा. युवराज खतिवडाले १४ खर्ब ७४ अर्ब ६४ करोडको बजेट विनियोजन गरेको जनाएका छन् ।

चालू आर्थिक वर्षका लागि १५ खर्ब ३२ अर्ब बजेट विनियोजन गरेकोमा ५८ अर्ब बजेट घटाएर आगामी आर्थिक वर्षका लागि बजेट विनियोजन गरिएको छ ।

कूल बजेटमध्ये चालूतर्फ ९ खर्ब ४८ अर्ब ९४ करोड बजेट विनियोजन गरिएको छ । जुन कूल बजेटको ६४.४ प्रतिशत हो । पूँजीगत खर्चतर्फ ३ खर्ब ५२ अर्ब ९१ करोड रुपैयाँ विनियोजन गरिएको अर्थमन्त्री खतिवडाले बताए । जुन कूल बजेटको २३.९ प्रतिशत हो । 

वित्तीय व्यवस्थापनतर्फ १ खर्ब ७२ अर्ब ७९ करोड रुपैयाँ विनियोजन गरिएको खतिवडाले बताए ।