सरकारले आगामी आर्थिक वर्षमा युवा तथा खेलकुद मन्त्रालयको एक अर्ब ६३ करोड बजेट कटौती गरेको छ। 

अर्थमन्त्री डा युवराज खतिवडाले बिहीबार संघीय संसद्को संयुक्त बैठकमा आगामी आर्थिक वर्ष २०७७/०७८ को बजेट प्रस्तुत गदैँ युवा तथा खेलकुद क्षेत्रका लागि २ अर्ब ३६ करोड बजेट विनियोजन गरेको बताए।

तर, चालू आर्थिक वर्षमै ३ अर्ब ९९ करोड बजेट विनियोजन गरिएको थियो। सरकार कोरोना भाइरस नियन्त्रणमा केन्द्रित रहेका बेला यो वर्ष स्वास्थ्य, रोजगारी, कृषि र शिक्षा क्षेत्र प्राथमिकतामा परेका छन्। फलतः खेलकुदको बजेट कटौती भएको बताइन्छ।  सरकारले निर्माणधीन अन्तरराष्ट्रिय क्रिकेट मैदान, कभर्डहल र प्रादेशिक रङ्गशाला निर्माणमा समेत बजेट विनियोजन गरेको छ ।