जब बाँदरको एक हूलले कोरोना परीक्षण गर्न लिइएको नमूना लिएर भाग्यो [भिडियो]

बाँदरको एक हुलले भारतको एक मेडिकल कलेजबाट कोरोना भाइरस परीक्षण गर्न राखिएका नमूनाहरू चोरेर भागेको छ ।

बाँदरहरूले कोरोना परीक्षण गर्न राखिएको ३ वटा नमूना आफूसँगै लिएर गएका हुन् । भारतको उत्तरप्रदेशको मेरुट मेडिकल कलेजमा शुक्रवार बिहान बाँदरको एक हुल छिरेको थियो ।


Advertisement

कलेजभित्र एक ल्याब टेक्निसियनले हातमा लिएर उभिएको ३ वटा नमूना बाँदरहरूले लिएर भागेको स्थानीय सञ्चारमाध्यमहरूले पुष्टि गरेका छन् ।

बाँदरले नमूना लिएर भागेपछि भाइरस फैलने डरले स्थानीयहरू त्रसित बनेका छन् ।


Advertisement

लखनउ ब्यूरो चिफ अमिर हकले भने, ‘बाँदरहरू वरिपरी सधैं देखिने गर्दथे, तर यसपटक भाइरस टेस्ट गर्न लिइएको नमूना लिएर भागे ।’

स्थानीय प्रहरीले बाँदरबाट ती नमूना खोस्न प्रहरी परिचालन गरिएको बताए ।

 

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्