मंसिर १४, २०८०
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
कोभिड– १९ का संक्रमित तीब्र गतिमा बढिरहेका छन् । रोजागारीका लागि भारत गएका नेपाली नागरिक स्वदेश भित्रिने क्रम पनि बढ्दो छ ।
पछिल्लोसमय बाहिरबाट आएका र संक्रमितको सम्पर्कमा रहेका नागरिकलाई राख्नका लागि क्वारेन्टाइनको व्यवस्था गरिएको छ ।
सरकारले हरेक स्थानीय तहलाई क्वारेन्टाइन बनाएर विदेशबाट आएका र उनीहरूको सम्पर्कमा रहेका मानिसलाई राख्नका लागि जिम्मा दिएको छ ।
त्यसैअनुरूप देशभरका स्थानीय तहले क्वारेन्टाइनको व्यवस्था गरेका छन्, तर स्थानीय तहले बनाएका कतिपय क्वारेन्टाइनको अवस्था निकै दयनीय छ ।
कतै पालमुनि, कतै जंगलको छेउमा, त कतै भुइँमा सुत्नुपर्ने अवस्था छ । क्वारेन्टाइनमा बसेकाहरूले पाएका दु:खका तस्वीरहरू पनि सार्वजनिक भइरहेका छन् ।
पछिल्लो समय क्वारेन्टाइनमा दिइएको खानामा किरा रहेको तथा क्वारेन्टाइनभित्र बेञ्चमाथि मानिसहरू सुतिरहेको तस्वीरले समाजिक सञ्जाल तताएको छ ।
उक्त तस्वीर डडेल्धुराको आलिताल गाउँपालिकाको दुर्गम गाउँ उणिकोटको एक विद्यालयमा बनाइएको क्वारेन्टाइनको भएको पुष्टि भएको छ ।
तस्वीरमा खानामा किरा देखिएको छ भने क्वारेन्टाइनभित्र विद्यालयको बेञ्चमा चाउचाउको बट्टा ओछ्याएर केही मानिस सुतिरहेको देख्न सकिन्छ ।
आलिताल गाउँपालिकाको अलिकति दुर्गम क्षेत्र उणिकोटमा रहेको क्वारेन्टाइनमा अस्ति (शुक्रवार) बेलुका क्वारेन्टाइनमा भएका सबै मानिसलाई खाना खुवाइसकेपछि बचेको तलतिरको डडेको खाना खाल्डोमा पुर्नका लागि राखेका बेला क्वारेन्टाइनमा रहेका एक जनाले फोटो खिचेर सामाजिक सञ्जालमा राखिदिएको आलिताल गाउँपालिकाका अध्यक्ष बलबहादुर गुरुङले बताए ।
‘खानाको वास्तविकता के हो भने शुक्रवार क्वारेन्टाइनमा रहेका सबैलाई खाना खुवाइसकेपछि खाना पकाउने भाँडोको पिँधमा रहेको भात खाल्डोमा पुर्नका लागि राखिएको थियो । त्यसैलाई क्वारेन्टाइनमा रहेका एक जनाले सामाजिक सञ्जाल फेसबूकमा राखिदिनुभएछ,’ अध्यक्ष गुरुङले लोकान्तरसँग भने ।
उक्त टोली शुक्रवार कैलालीको गौरीफन्टा नाका हुँदै राति ३ बजेको समयमा डडेल्धुरा आएको थियो ।
त्यस समयमा क्वारेन्टाइन व्यवस्थापन गर्ने मानिस कोही नभएकाले बेड व्यवस्थापन नभएको र ती मानिसहरू अर्को कोठमा रहेको बेञ्चमा बिहानसम्म सुतेको अध्यक्ष गुरुङले स्वीकारे ।
‘उहाँहरू राति ३ बजे आउनुभएको रहेछ, त्यो रातिको समयमा क्वारेन्टाइन व्यवस्थापन गर्ने कोही पनि हुनुहुन्थेन, रातिमा हुने कुरापनि भएन,’ अध्यक्ष गुरुङले भने, ‘उहाँहरू सोही क्वारेन्टाइनको खाली कोठामा गएर सुत्नुभएछ, त्यही फोटो समाजिक सञ्जालमा कसैले भाइरल बनाइदिनुभएछ ।’
उणिकोटमा अहिले ३० वटा बेडको क्वारेन्टाइनको व्यवस्थाप गरिएको उनले बताए । अहिले सबै बेड भरिभराउ भएकाले नयाँ मानिस आउँदा फेरि अर्को व्यवस्था गर्नुपर्ने भएको अध्यक्ष गुरुङले जानकारी दिए ।
आलिताल गाउँपालिकामा शनिवारसम्म २ सय ८८ जना क्वारेन्टाइनमा बसेका छन् भने गाउँपालिकामा रहेका वडा र गाउँपालिकामा गरेर १५ ठाउँमा क्वारेन्टाइन छन् ।
मानिसहरू थपिइरहेकाले अन्य ठाउँमा पनि सामाजिक दूरी कायम गर्ने हिसाबले क्वारेन्टाइनको व्यवस्थापन गाउँपालिकाले गरिरहेको छ । यसभन्दा अगाडि १ सय ५० बेडको क्वारेन्टाइन थियो ।
अहिले मानिसहरू थपिएपछि अरू पनि बेड सरकारले तोकेको मापदण्डअनुरूप थप्न लागेको अध्यक्ष गुरुङले लोकान्तरलाई बताए ।
टेस्ट कसैको भएको छैन
कोरोना संक्रमण फैलिरहेको समयमा आलिताल गाउँपालिकामा कसैको पनि कोरोनाको परीक्षण नभएको अध्यक्ष गुरुङले बताए ।
क्वारेन्टाइनमा भएका मानिसहरूको अहिलेसम्म पनि कसैको स्वाब लिइएको छैन । जिल्लामा कुराकानी गर्दा किटको अभाव भएकाले स्वाब लिन नपाएको जवाफ आउने गरेको अध्यक्ष गुरुङको भनाइ छ ।
‘मैले सीडीयोसाप लगायत जिल्लाका नेता, प्रदेशका नेता सबैलाई घच्घच्याएको छु, तर कसैले वास्ता गर्नुभएको छैन, सबैले किट नै आएको छैन भन्नुहुन्छ,’ गुरुङले गुनासो पोखे ।
क्वारेन्टाइनमा रहेका मानिसहरूको कोरोना परीक्षण नगरिकन नै घर पठाउने अवस्था आएको अध्यक्ष गुरुङको भनाइ छ ।
जिल्लाले कुनै पनि खालको सहयोग नगरेकाले आफूहरू दुःखी भएको उनले बताए ।
यदि किट किन्न पाइने अवस्था भए गाउँपालिकाले किट नै किनेर परीक्षण गर्ने उनी बताउँछन् ।
‘सबैतिर धाउँदा पनि कसैले सामान्य पनि सहयोग नगर्ने यदि किट किन्न पाइने भए हामीले आफैं किनेर स्वाब परीक्षण गर्ने थियौं,’ अध्यक्ष गुरुङले भने ।
‘यदि सरकारले हामीलाई किट दिएन भने क्वारेन्टाइनमा रहेका मानिसहरूलाई घर फर्काउनुपर्ने हुन्छ, यसको जिम्मा कसले लिने ?’ उनले प्रश्न गरे ।
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...