अमेरिकालाई विफल तुल्याउँदै इरानको तेल ट्यांकर पुग्यो भेनेजुएला

इरानको पाँचवटा तेल ट्यांकरमध्येको अन्तिम ट्यांकर क्लाभेल भेनेजुएला पुगेको छ । 

आइतवार पाँचौं ट्यांकर भेनेजुएला पुगेर १५ लाख ब्यारलभन्दा बढी तेल लग्यो । 


Advertisement

भेनेजुएला र इरान दुवै देशलाई अमेरिकाले कठोर प्रतिबन्ध लगाएको छ र भेनेजुएलालाई तेल दिने इरानको प्रयास बिथोल्न अमेरिकाले कोशिश पनि गरेको थियो । 

अघिल्लो साता भेनेजुएलाको सेनाले फोर्चुन, फरेस्ट, फाक्सोन र पेटुनिया नाम गरेका चार ट्यांकरलाई सुरक्षा दिँदै आफ्नो देश पुर्‍याएका थिए । 


Advertisement

फरेस्ट ट्यांकरबाट तेल खन्याइसकिएको छ । मरिन ट्राफिको तथ्यांकअनुसार, उक्त ट्यांकरले तेल खन्याएपछि बन्दरगाहबाट आइतवार अपराह्न अज्ञात ठाउँतिर गएको छ । 

वाशिङटनले इरानी ट्यांकरलाई भेनेजुएला पुग्न सहायता नगर्न यसअघि चेतावनी दिएको थियो । 

ह्वाइट हाउसले स्पष्ट रूपमा टयांकरहरूलाई रोक्ने नभने पनि अमेरिकाका लागि इरानका राजदूतले ट्यांकरहरूमाथि अमेरिकी सेनाबाट खतरा रहेको बताएकमा थिए । तेहरानले यी ट्यांकरहरूमा हस्तक्षेप नगर्न चेतावनी दिएको थियो र हस्तक्षेप गर्दा त्यो सामुद्रिक डकैती तथा अन्तर्राष्ट्रिय शान्तिका लागि खतरा भएको बताएको थियो । 

भेनेजुएलामा विशाल तेलखानी भए पनि तेल प्रशोधन गर्ने उसको क्षमता सीमित छ र अमेरिकी प्रतिबन्धका कारण उसको ऊर्जा संकट थप चर्किएको छ । प्रतिबन्धले उक्त देशको तेल उद्योगलाई निकै असर पारेको छ र त्यसैले गर्दा राजस्व संकलनमा पनि समस्या आइलागेको छ ।
 

एजेन्सी
एजेन्सी

लेखकबाट थप...

कमेन्ट गर्नुहोस्