स्वास्थ्य तथा जनसंख्या मन्त्रालयले सोमवार साँझ थप १३ जनामा कोरोना संक्रमण पुष्टि भएको जनाएको छ ।

मन्त्रालयका प्रवक्ता डाक्टर समीरकुमार अधिकारीले थप १३ जनामा कोरोना पुष्टि भएको र यससँगै नेपालमा संक्रमितको संख्या बढेर १८ सय ११ रहेको जानकारी दिएका छन् ।

उनले प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा पाल्पाका २ जना, नवलपरासीका १ जना, गुल्मीका १, कपिलवस्तुका ७ र रुपन्देहीका २ जनामा संक्रमण भेटिएको विज्ञप्तिमार्फत जनाएका छन् ।

अपराह्न ४ बजेको नियमित प्रेस ब्रिफिङमा बोल्दै मन्त्रालयका प्रवक्ता डाक्टर विकास देवकोटाले संक्रमितको पछिल्लो अद्यावधिक संख्या १७ सय ९८ रहेको बताएका थिए ।

हेर्नुहोस् विज्ञप्ति -