काठमाडौंको जयबागेश्वरीमा आकाशेपुल निर्माण हुने भएको छ। 

पुलको सोमबार कांग्रेस नेता एवं सांसद गगन थापा, प्रदेशसभा सदस्य नरोत्तम वैद्य, महानगरकी उपमेयर हरिप्रभा खड्गी श्रेष्ठ, वडाध्यक्ष दिनेश डंगोल र वडा सदस्यहरुले संयुक्त रुपमा  शिल्यानाश गरे।

भ्याटबाहेक ६४ लाख ९९ हजार ७५ रुपैयाँ ४५ पैसा लागतमा निर्माण हुने आकाशेपुल स्टिल ट्रसबाट निर्माण हुने जनाइएको छ  वडाध्यक्ष डंगोलले भने, बागेश्वरी क्षेत्रमा सवारीसाधनले ठक्कर दिएर धेरै पैदल यात्रुको ज्यान गएको छ । दुर्घटनाको यो जोखिम घटाउन र वडालाई पूर्वाधारले सम्पन्न बनाउन सार्न मिल्ने आकाशे पुल निर्माण गर्न लागिएको हो ।’

आउँदो ४ महिनामा निर्माण सम्पन्न गर्ने लक्ष्य राखिएको छ।