गत बुधबारकाे मन्त्रिपरिषद् बैठकले असार १ गतेदेखि सरकारी कार्यालय सञ्चालन गर्ने निर्णय गरेकाेमा नेपाल राष्ट्र बैंकले पनि बैंक तथा वित्तीय संस्थालाई आवश्यक निर्देशन दिएकाे छ।

 राष्ट्र बै‌ंकले आइतबार सूचना जारी गरेर बैंक तथा वित्तीय संस्थाहलाई साविककै समयमा सेवा दिन भनेकाे छ। तर बढी भीडभाड हुने कार्यालयहरु भने दुई सिफ्टमा सञ्चालन गर्न राष्ट्र बैंकले निर्देशन दिएको छ ।

मन्त्रिपरिषद्ले सेवाग्राहीको चापको मूल्यांकन गरी बढी भिडभाड हुने ठाउँमा आवश्यकता अनुसार सिफ्ट अनुसार व्यवस्था गरी बिहान ८ बजेदेखि साँझ ६ बजेसम्म सेवा प्रदान गर्न भनेकाे थियाे।