कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
असार १२, २०७७
नेकपा स्थायी कमिटीका बहुसंख्यक सदस्यहरूले अतिक्रमित नेपाली भूमि समेटेर नयाँ नक्सा जारी गरेकोमा सरकारलाई धन्यवाद दिँदै नक्सामा आएको नेपाली भूमिमा नेपालको भोगचलन कायम गराउनेतर्फ लाग्न सुझाव दिएका छन् ।
उनीहरूले कालापानीका अतिरिक्त सुस्ता लगायतका क्षेत्रमा रहेको सीमा विवाद समाधानमा पनि सरकारको ध्यानाकर्षण गराए ।
प्रधानमन्त्री निवास बालुवाटारमा शुक्रवार बसेको नेकपा सचिवालयको दोस्रो दिनको बैठकमा बोल्ने १८ जना सदस्यले नयाँ नक्सा जारी गरेकोमा सरकारलाई धन्यवाद दिँदै नेपाली भूमि फिर्ता ल्याउन छिटो कूटनीतिक वार्ता गर्न आग्रह गरेका हुन् ।
शुक्रवार नारायणकाजी श्रेष्ठ, भीम रावल, शंकर पोखरेल, पम्फा भुसाल, गोकर्ण विष्ट, छविलाल विश्वकर्मा, लीलामणि पोखरेल, बेदुराम भुसाल, रघुवीर महासेठ, मुकुन्द न्यौपाने गणेश साह र केशव बडालले बोलेका थिए ।
‘नक्सा प्रकाशित भएपछिको ऐतिहासिक पहलकदमीलाई तार्किक निष्कर्षमा पुर्याउन अझै दृढताका साथ लाग्न र सुस्ता लगायतका क्षेत्रमा रहेका सीमा समस्या समाधान गर्न सदस्यहरूले जोड दिनुभएको छ,’ बैठकपछि प्रवक्ता श्रेष्ठले भने ।
सदस्यहरूले नेपाल–भारत प्रबुद्ध समूह (ईपीजी)को प्रतिवेदन कार्यान्वयनमा ल्याएर दुई देशको सम्बन्धलाई नयाँ उचाइमा पु-याउनका लागि सो प्रतिवेदन छिटो बुझ्ने वातावरण बनाउन आग्रह गरेका थिए ।
भारतसँगको सीमा समस्या समाधानबारे परराष्ट्रमन्त्री प्रदीप ज्ञवालीले नेकपा सचिवालय बैठकलाई ब्रिफिङ गरेका छन् ।
बैठकमा मन्त्री ज्ञवालीले गत नोभेम्बरमा भारतले नयाँ नक्सा जारी गरेपछि उत्पन्न समस्या समाधानका लागि सरकारले गरेको प्रयासबारे जानकारी गराए ।
मन्त्री ज्ञवालीले भारतसँग नोभेम्बर, डिसेम्बर र जनवरीमा वार्ताका लागि पहल गरेपनि भारतले चासो नदेखाएको बैठकलाई जानकारी गराएको संस्कृति पर्यटन तथा नागरिक उड्डयनमन्त्री योगेश भट्टराईले जानकारी दिए । भारतले नयाँ नक्सा प्रकाशित गरेलगत्तै कूटनीतिक नोट पठाएर विरोध जनाएको मन्त्री ज्ञवालीले बताए ।
सीमा समस्या समाधानको विषयमा सदस्यहरूले बोल्ने क्रम जारी रहेको प्रवक्ता श्रेष्ठले बताए । नेकपा बैठकका लागि सरकारको कामको समीक्षा, पार्टीको कामको समीक्षा, अमेरिकी सहयोगको मिलेनियम च्यालेन्ज कर्पोरेसन (एमसीसी) लगायतका ७ एजेण्डा छन् ।
बैठकमा अध्यक्ष एवं प्रधानमन्त्री केपी शर्मा ओली अनुपस्थित थिए । बैठकको अध्यक्षता अर्का अध्यक्ष पुष्पकमल दाहाल प्रचण्डले गरेका थिए । महासचिव विष्णु पौडेलले प्रधानमन्त्री ओली आजको बैठकमा उपस्थित हुन नसक्ने जानकारी गराएको प्रवक्ता श्रेष्ठले बताए ।
बुधवार शुरू बैठकमा ओलीले मन्तव्य राख्दै सरकारको काम कारवाहीको बचाउ गरेका थिए । उनले बैठकमा स्वस्थ आलोचना सहित रचनात्मक सुझाव दिन आग्रह गरेका थिए ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...