भारतमा काेराेना भाइरस संक्रमितकाे संख्या दिनप्रतिदिन बढिरहेका छन्।

लकडाउन खुकुलाे बनाए यता दैनिक १५ हजार नयाँ संक्रमित देखिरहेका छन्। मृतककाे संख्यामा पनि वृद्धि भइरहेकाे छ।

यसकारण भारतमा फेरि लकडाउन लागू हुनसक्ने संकेत देखिएकाे छ। केही राज्य सरकारले त याे दिशामा कदम चालेका छन्।

असममा १२ घन्टे रात्रि कर्फ्यू
कोरोनाका संक्रमित बढ्न थालेपछि असम राज्यका स्वास्थ्यमन्त्रीले राज्यमा १२ घन्टे रात्रिकालीन कर्फ्यू जारी गरेका छन्।

यससँगै १४ दिनका लागि लकडाउन पनि लागू गरिएकाे छ।

​तमिलनाडुका चार जिल्लामा पूर्ण लकडाउन 
संक्रमण बढ्न थालेपछि तमिलनाडु सरकारले चेन्नईसहित चार अति संवेदनशील जिल्लामा यसअघि नै लकडाउन लागू गरेकाे थियाे।

झारखन्डमा ३१ जुलाईसम्म लकडाउन

झारखन्ड सरकारले काेराेना संक्रमण राेक्न गत शुक्रबारदेखि ३१ जुलाइसम्मका लागि लकडाउन बढाएकाे छ।

पश्चिम बंगालमा संशोधित रात्रिकालीन कर्फ्यू

​पश्चिम बंगाल सरकारले कोरोनाका संक्रमण राेकथाम गर्न ३१ जुनसम्म लकडाउन लम्ब्याएकाे छ।

लकडाउनसँगै रातका लागि जारी भएकाे कर्फ्यूकाे समय पनि संशाेधन गरिएकाे छ। राति १० देखि बिहान ५ बजेसम्म कर्फ्यू जारी गरिएकाे छ।

कर्नाटकमा लकडाउन

कर्नाटकमाले हरेक आइतबार पूर्ण लकडाउन लागू गरेकाे छ। याे बाहेक रात्रिकालीन कर्फ्यूकाे समयमा पनि संशाेधन गरेर कडाइ गररेकाे छ।

मणिपुरमा लकडाउन लम्बियाे

मणिपुरमा १५ दिनका लागि लकडाउन लम्ब्याइएकाे छ।