भारत र चीनबीच लद्दाख सीमामा तनाव जारी छ । दुई देशबीच चारवटा विन्दुमा सेना पछि हटाउने विषयमा कुराकानी चलिरहेको छ । 
 

चुशूलमा दुवै देशका सैन्य कमान्डरहरूको भेटघाट चलिरहेको छ तर वास्तविक नियन्त्रण रेखाको दुवैतर्फ विगत तीन दिनमा सैन्य उपस्थिति बढाइएको छ । 

सेनाको संख्या बढ्दै जाँदा तनाव थामिने लक्षण देखिएको छैन । 
 

पांगोङ तालको फिंगर ४ का विषयमा दुवै देशका सेनाबीच कुराकानी चलिरहेको छ । त्यहाँ चिनियाँ सेनाले कब्जा जमाएको छ र पछि हट्न मानिरहेको छैन जबकि पहिला त्यो दुवै देशका लागि गश्ती गर्ने विन्दुका रूपमा रहेको थियो । 

यसबाहेक तीन अन्य स्थानमा विवाद चलिरहेको छ । गलवान उपत्यकाको गश्ती विन्दु १४ मा हिंस्रक झडप भएको थियो । अनि गश्ती विन्दु १५ र १७क मा पनि विवाद जारी छ । 

तर पांगोङ तालको तुलनामा ती क्षेत्रहरूको हालत अलि कम तनावपूर्ण छ । तैपनि खतरा कायम छ । 

दुवै पक्षका सेना कसरी पछि हटाउने हो भन्ने विषयमा निश्चित गर्न सकिएको छैन । 

दुवै सेनाले पछि हट्नका लागि आआफ्नो शर्त तेर्स्याएका छन् । 

अब एकैचोटि जाडो महिनामा मात्र दुई देशका सैनिक पछि हट्ने सम्भावना छ किनकि दुवै सेनाका जवानलाई जाडोमा त्यस चिसो ठाउँमा बस्न गाह्रो पर्नेछ ।